<div class="version vid1656 iso6393zyb" data-vid="1656" data-iso6393="zyb">
 <div class="book bkGEN">
 <div class="chapter ch13" data-usfm="GEN.13">
 <div class="label">13</div><div class="s1">Yaqbwzlanz caeuq Lozdwz faengya</div><div class="p"> 1Yiengq Yaqbwzlanz couh daiq mehyah de caeuq Lozdwz, daiqlienz de sojmiz hih cungj daj Ngaihgiz ok ma, bae Gyahnamz dih baixnamz. 2Hoeng mwhneix, Yaqbwzlanz gaenq dwg boux fouqfouq mizmiz he lo, gimgim ngaenzngaenz cukseng cukseng cungj daixbaj. 3Gajlaeng de caiq daj baixnamz baez mwnq baez mwnq yiengq Bwzdwzliq senj bae. Couh yienghneix, de senj ma daengz mwnq gaxgonq de youq mwnq dap bungz youq goq he, couh dwg mwnq Bwzdwzliq caeuq aen singz Ngaiq hih cungqgyan de, 4caemh dwg de youq mwnq caeb aen daiz dajbwiz he hwj gingqbaiq Yehhozvaz hih mwnq.</div><div class="p"> 5Gaen Yaqbwzlanz ma hih Lozdwz caemh gag miz ndaw ranz de hih vunz caeuq vunzhoiq, daiqlienz baenxbienh cwzcwz yiengzyiengz. 6-7Gajlaeng, aenvih song ranz de hih vunz hah, gyadangq hah cungj daiq lai lai, [7b]caiq gyacangq mwhde hih gij vunz Gyahnamz caeuq gij vunz Bijliqsij vanzlij youq mwnq youq, [6a]guh hwj mwnq dieg mwnq mij ndaej gaeuq gyoengqde youq bae. [7a]Vih yienghneix, gij vunz Yaqbwzlanz dajciengx he caeuq gij vunz Lozdwz dajciengx he cungj siengzseiz doxceng.</div><div class="p"> 8Couh vih yienghneix, Yaqbwzlanz doiq Lozdwz naeuz: &#8220;Raeuz dwg beixnuengx hwj; mbouj ndaej doxceng nej! Daiqlienz gyoengq dajciengx mwngz caeuq gyoengq dajciengx gou cungj caemh mbouj ndaej doxceng. 9Mboujyienz raeuz faengya sat lox. Manx dieg neix mbouj dwg youq dangqnaj mwngz maz? Mwngz ij senj aeu mwnqlaw cungj ndaej, youzcaih mwngz aiq. Mwngz senj aeu mbiengj gvaz, gou couh aeu mbiengj swix; mwngz senj aeu mbiengj swix, gou couh aeu mbiengj gvaz.&#8221;</div><div class="p"> 10Gajlaeng Lozdwz couh muenghyawj seiqhenz, yawjraen gij dieg henz dah Yozdanq fueng Sojwj mwnq, baenx doengh bingz bwdbwd, cix cumx cix ywnh, caenh luj aen suen Yehhozvaz, caemh luj gij dieg Ngaihgiz nwih. (Mwnq dieg neix ndaw de caemh miz Sojdohmaj caeuq Ngozmohlah; mwhde Yehhozvaz vanzlij mijyaengz cawz song aen singz neix.) 11De raen yienghneix le, couh senj aeu mwnq dah Yozdanq hih manx dieg bingz bwdbwd mwnq, caemh senj bae baixdoeng he youq. Song boux de couh yienghneix doxfaen youq lo. 12Yiengq Yaqbwzlanz couh youq dieg Gyahnamz youq; Lozdwz youq manx dieg miz cingzciq, bingz bwdbwd he, gaenh Sojdohmaj Singz he dap bungz hwj youq. 13Hoeng, gij vunz Sojdohmaj youq ndaw lwgra Yehhozvaz dwg doegdoeg siebsieb he hih vunz.</div><div class="p"> 14Lozdwz caeuq Yaqbwzlanz doxfaen gak vunz gak youq le, Yehhozvaz doiq Yaqbwzlanz naeuz: &#8220;Yaqbwzlanz! Mwngz dajlwh mwnq mwngz youq hih, yiengq doeng sae namz baek bae yawj; 15famzsoj mwngz yawjraen hih dieg, gou cungj ij nyok hawj mwngz caeuq doengh daih gajlaeng mwngz, caemh dwg yungjyenj nyok roengzbae. 16Gou caemh ij hawj doengh daih gajlaeng mwngz lai luj gij boenqcingh lajdoem, geq cungj geq mbouj rox liux; miz byawz ndaej geq gij boenqcingh lajdoem liux nex, caemh ndaej geq doengh daih gajlaeng mwngz liux lo.&#8221; 17De caiq naeuz: &#8220;Bae! Mwngz ij byaij gij dieg goqdoh bae, aenvih gou ij dawz dieg neix nyok hawj mwngz.&#8221;</div><div class="p"> 18Gajlaeng Yaqbwzlanz couh senj cangqbungz bae daengz mwnq Hihbwzlwnz dih boux heuh Manqliq he dih byozfaex mwnq bae youq. De caemh youq mwnq caeb aen daiz dajbwiz he hwj bwiz Yehhozvaz.</div>
 </div>
 </div>
</div>

Yiengq Yaqbwzlanz couh daiq mehyah de caeuq Lozdwz, daiqlienz de sojmiz hih cungj daj Ngaihgiz ok ma, bae Gyahnamz dih baixnamz. Hoeng mwhneix, Yaqbwzlanz gaenq dwg boux fouqfouq mizmiz he lo, gimgim ngaenzngaenz cukseng cukseng cungj daixbaj. Gajlaeng de caiq daj baixnamz baez mwnq baez mwnq yiengq Bwzdwzliq senj bae. Couh yienghneix, de senj ma daengz mwnq gaxgonq de youq mwnq dap bungz youq goq he, couh dwg mwnq Bwzdwzliq caeuq aen singz Ngaiq hih cungqgyan de, caemh dwg de youq mwnq caeb aen daiz dajbwiz he hwj gingqbaiq Yehhozvaz hih mwnq.
Gaen Yaqbwzlanz ma hih Lozdwz caemh gag miz ndaw ranz de hih vunz caeuq vunzhoiq, daiqlienz baenxbienh cwzcwz yiengzyiengz. Gajlaeng, aenvih song ranz de hih vunz hah, gyadangq hah cungj daiq lai lai, [7b] caiq gyacangq mwhde hih gij vunz Gyahnamz caeuq gij vunz Bijliqsij vanzlij youq mwnq youq, [6a] guh hwj mwnq dieg mwnq mij ndaej gaeuq gyoengqde youq bae. [7a] Vih yienghneix, gij vunz Yaqbwzlanz dajciengx he caeuq gij vunz Lozdwz dajciengx he cungj siengzseiz doxceng.
Couh vih yienghneix, Yaqbwzlanz doiq Lozdwz naeuz: “Raeuz dwg beixnuengx hwj; mbouj ndaej doxceng nej! Daiqlienz gyoengq dajciengx mwngz caeuq gyoengq dajciengx gou cungj caemh mbouj ndaej doxceng. Mboujyienz raeuz faengya sat lox. Manx dieg neix mbouj dwg youq dangqnaj mwngz maz? Mwngz ij senj aeu mwnqlaw cungj ndaej, youzcaih mwngz aiq. Mwngz senj aeu mbiengj gvaz, gou couh aeu mbiengj swix; mwngz senj aeu mbiengj swix, gou couh aeu mbiengj gvaz.”
Gajlaeng Lozdwz couh muenghyawj seiqhenz, yawjraen gij dieg henz dah Yozdanq fueng Sojwj mwnq, baenx doengh bingz bwdbwd, cix cumx cix ywnh, caenh luj aen suen Yehhozvaz, caemh luj gij dieg Ngaihgiz nwih. (Mwnq dieg neix ndaw de caemh miz Sojdohmaj caeuq Ngozmohlah; mwhde Yehhozvaz vanzlij mijyaengz cawz song aen singz neix.) De raen yienghneix le, couh senj aeu mwnq dah Yozdanq hih manx dieg bingz bwdbwd mwnq, caemh senj bae baixdoeng he youq. Song boux de couh yienghneix doxfaen youq lo. Yiengq Yaqbwzlanz couh youq dieg Gyahnamz youq; Lozdwz youq manx dieg miz cingzciq, bingz bwdbwd he, gaenh Sojdohmaj Singz he dap bungz hwj youq. Hoeng, gij vunz Sojdohmaj youq ndaw lwgra Yehhozvaz dwg doegdoeg siebsieb he hih vunz.
Lozdwz caeuq Yaqbwzlanz doxfaen gak vunz gak youq le, Yehhozvaz doiq Yaqbwzlanz naeuz: “Yaqbwzlanz! Mwngz dajlwh mwnq mwngz youq hih, yiengq doeng sae namz baek bae yawj; famzsoj mwngz yawjraen hih dieg, gou cungj ij nyok hawj mwngz caeuq doengh daih gajlaeng mwngz, caemh dwg yungjyenj nyok roengzbae. Gou caemh ij hawj doengh daih gajlaeng mwngz lai luj gij boenqcingh lajdoem, geq cungj geq mbouj rox liux; miz byawz ndaej geq gij boenqcingh lajdoem liux nex, caemh ndaej geq doengh daih gajlaeng mwngz liux lo.” De caiq naeuz: “Bae! Mwngz ij byaij gij dieg goqdoh bae, aenvih gou ij dawz dieg neix nyok hawj mwngz.”
Gajlaeng Yaqbwzlanz couh senj cangqbungz bae daengz mwnq Hihbwzlwnz dih boux heuh Manqliq he dih byozfaex mwnq bae youq. De caemh youq mwnq caeb aen daiz dajbwiz he hwj bwiz Yehhozvaz.

ያዳምጡ Lizsij dih Gaihcij 13