 An Eadar-Theangachadh Ùr Gàidhlig 2017  Ann an 1993 sgrìobh an t-Àrd‑Oll. Dòmhnall Meek gun robh “an diofar a th' eadar ‘Gàidhlig a' Bhìobaill’ agus ‘Gàidhlig an latha an‑diugh’ air a bhith air fhaicinn gu ìre fada nas motha tro thìm – gu h‑àraid am measg luchd cleachdaidh na Gàidhlig a tha nas òige … – iadsan nach eil, ann an cumantas, cho eòlach air ‘Gàidhlig na cùbaid’ 's a bha an sinnsirean.” Ma bha sin fìor is follaiseach an uair sin, tha e nas motha buileach mar sin an‑diugh. 'S e sin an t‑adhbhar gu bheil sinne a' clò-bhualadh na h‑iris seo an‑dràsta. Bhruidhinn ar Tighearna 's ar Slànaighear Ìosa Crìosd gu pearsanta, na cànan fhèin, ri Màiri Magdalen às dèidh na h‑aiseirigh, airson dòchas a thoirt dhi (Eòin 20:16). Tha sinne cuideachd ag iarraidh gum bruidhinn Facal Dhè ri daoine sa chànan anns a bheil iad fhèin a' bruidhinn, a' sgrìobhadh, a' smaoineachadh 's ag aisling an‑diugh.  An Tiomnadh Nuadh 1767  Chaidh an Tiomnadh Nuadh eadar-theangachadh gu Gàidhlig na h-Alba on Ghreugais an toiseach leis an t-Urr. Seumas Stiùbhart, ministear Chill-Fhìnn, agus chaidh a chlò-bhualadh ann an 1767 – beagan 's fichead bliadhna an dèidh blàr Chùil Lodair. B' e a mhac, Iain, ministear Lus, am prìomh eadar-theangair airson an t-Seann Tiomnaidh, a chaidh a chrìochnachadh ann an 1801. O chionn ghoirid, tha suidheachadh na Gàidhlig san àm ri teachd air mòran aire fhaighinn, leis a' chànan a’ dèanamh adhartais agus a’ faighinn inbhe shònraichte ann am beatha na dùthcha. A dh'aindeoin sin tha an sgaradh eadar Gàidhlig làitheil agus an gnè Gàidhlig a tha ann an eadar-theagachadh 1801 a' leudachadh.   An Tiomnadh Nuadh 2017  Tha an eadar-theangachadh seo a' tighinn a-mach 250 bliadhna an dèidh a' chiad eadar-theagachadh dhen Tiomnadh Nuadh on Ghreugais gu Gàidhlig a bhith air a chlò-bhualadh.  Tha an eadar-theangachadh ùr ag amas air a bhith a' toirt ri chèile dìlseachd dhan Ghreugais thùsail le briathrachas làitheal, agus soilleireachd le urram. Tha an obair seo a' nochdadh aig àm nuair a tha cothroman air leth ann airson adhartas na Gàidhlig. Agus tha sinn an dòchas gum bi e feumail airson fòghlaim agus airson nan eaglaisean, a thuilleadh air leughadh phearsanta. Le bhith ag eadar-theangachadh Facal Dhè a Ghàidhlig an latha an‑diugh tha an sgioba againn an dòchas gun cluinn iadsan uile a leughas 's a chluinneas e guth Dhè a' bruidhinn riutha gu soilleir, agus, mar sin, gun tig iad gu eòlas air an t‑sìth 's air an t‑slàinte a tha rim faotainn tro Chrìosd a‑mhàin. 'S e miann na sgioba gum biodh gach moladh, urram agus cliù a' dol thuigesan agus thuigesan a‑mhàin. © Comann Bhìoball na h-Alba 2017 New Gaelic Translation 2017  In 1993 Prof. Donald Meek wrote that “the difference between ‘Bible Gaelic’ and ‘Today’'sGaelic’ has increased over time – especially among young users of Gaelic – those who, for the most part, are not so used to ‘Pulpit Gaelic’, as their forebears were.” If that was apparent then, it is even more so today. That is the reason that we are publishing this translation now.  Our Lord and Saviour spoke personally and in her own language, to Mary Magdalen after the resurrection, to give her hope (John 20:16). We also desire that God’s Word would speak to people in their own language which they speak, write, think and dream in today.   New Testament 1767  The New Testament was first translated into Scottish Gaelic by Rev James Stuart, minister of Killin, and published in 1767 – barely 20 years after the battle of Culloden. His son John, minister of Luss, was the main translator of the Old Testament, completed in 1801. In recent years, the future of Gaelic in education and public life has received much attention as the language flourishes. However, the gap between everyday Gaelic in common use and the Gaelic in the most recent Bible edition continues to widen.   New Testament 2017  This new translation comes 250 years after the first translation of the New Testament from Greek into Gaelic was published.  This new translation aims to combine faithfulness to the Greek original with vocabulary in normal use, and clarity with dignity. The work comes at a time of opportunity in the development of Gaelic. It is our desire that this new translation will be useful in education and for the churches, as well as for personal use. In translating God's Word into the today's Gaelic, our translation team hope that all who read will hear the voice of God speaking clearly to them, and, in that way, that they will know the peace and the salvation that are found only in Christ. It is the desire of the team, that all praise, honour, and glory be God’s and his alone.  © Scottish Bible Society 2017

℗ Comann Bhìoball na h‑Alba 2022 ℗ Scottish Bible Society 2022

An Tiomnadh Nuadh anns an Eadar-Theangachadh Ùr Gàidhlig 2017

<div class="version vid1562 iso6393gla" data-vid="1562" data-iso6393="gla">
 <div class="book bkMAT">
 <div class="chapter ch9" data-usfm="MAT.9">
 <div class="label">9</div><div class="s1">&#204;osa a' Leigheas Fear leis a' Phairilis</div><div class="p"> 1Agus a' dol a&#8209;steach do dh'eathar chaidh &#204;osa thairis agus th&#224;inig e dhan bhaile aige fh&#232;in. 2Agus seall, thug iad thuige duine air an robh a' phairilis, na laighe air leabaidh. Agus nuair a chunnaic &#204;osa an creideamh&#8209;san, thuirt e ris an fhear air an robh a' phairilis, &#8220;Biodh deagh mhisneach agad, a leanaibh, tha do pheacaidhean air am mathadh dhut.&#8221;</div><div class="p"> 3Agus seall, thuirt cuid de na sgr&#236;obhaichean riutha fh&#232;in, &#8220;Tha am fear seo ri toibheum!&#8221;</div><div class="p"> 4Ach, le fios a bhith aige air an smuaintean, thuirt &#204;osa, &#8220;Carson a tha sibh a' smaoineachadh uilc nur cridheachan? 5Oir d&#232; as fhasa: a r&#224;dh, &#8216;Tha do pheacaidhean air am mathadh dhut,&#8217; no, &#8216;&#200;irich agus coisich&#8217;? 6Ach airson 's gum faod fios a bhith agaibh gu bheil &#249;ghdarras aig Mac an Duine air an talamh airson peacaidhean a mhathadh &#8230;&#8221; An uair sin thuirt e ris an fhear air an robh a' phairilis, &#8220;&#200;irich, tog do leabaidh agus thalla dhad thaigh.&#8221; 7Agus dh'&#232;irich e is chaidh e dha thaigh. 8Ach nuair a chunnaic an sluagh seo, ghabh iad an t&#8209;eagal; agus ghl&#242;raich iad Dia, a bha air a leithid seo de dh'&#249;ghdarras a thoirt do dhaoine.</div><div class="s1">Gairm Mhata</div><div class="p"> 9Fhad 's a bha &#204;osa a' dol air adhart &#224; sin, chunnaic e duine dham b' ainm Mata, na shuidhe aig b&#249;th na c&#236;se, agus thuirt e ris, &#8220;Lean mise.&#8221; Agus dh'&#232;irich e is lean e e. 10Agus fhad 's a bha &#204;osa na shuidhe aig b&#242;rd san taigh, seall, th&#224;inig m&#242;ran ch&#236;s&#8209;mhaor agus pheacach, agus bha iad a' suidhe c&#242;mhla ri &#204;osa agus ri a dheisciobail. 11Agus nuair a chunnaic na Pharasaich seo, thuirt iad ri a dheisciobail, &#8220;Carson a dh'itheas ur fear&#8209;teagaisg c&#242;mhla ri c&#236;s&#8209;mhaoir agus ri peacaich?&#8221; 12Ach nuair a chuala e seo, thuirt e, &#8220;Chan iadsan a tha sl&#224;n aig a bheil feum air lighiche, ach iadsan a tha tinn. 13Ach thallaibh agus foghlaimibh d&#232; a tha seo a' ciallachadh: &#8216;Is miann leam tr&#242;cair, agus chan e &#236;obairt.&#8217;#Hos. 6:6 Oir cha t&#224;inig mise a ghairm nam f&#236;rean, ach nam peacach.&#8221;</div><div class="s1">&#204;osa air a Cheasnachadh mu Thrasgadh</div><div class="p"> 14An uair sin th&#224;inig deisciobail E&#242;in thuige, ag r&#224;dh, &#8220;Carson a bhios sinne agus na Pharasaich a' trasgadh gu tric agus nach bi do dheisciobail&#8209;sa a' trasgadh?&#8221;</div><div class="p"> 15Agus thuirt &#204;osa riutha, &#8220;An urrainn do fhleasgaich na bainnse a bhith br&#242;nach fhad 's a tha fear na bainnse c&#242;mhla riutha? Ach thig na l&#224;ithean anns an t&#232;id fear na bainnse a thoirt air falbh uapa, agus an uair sin n&#236; iad trasgadh.</div><div class="p"> 16&#8220;Chan eil neach sam bith a' fuaigheal p&#236;os aodaich neo&#8209;sheargte air seann bhad aodaich, oir tha an tuthag a' draghadh air falbh on bhad aodaich, agus tha sracadh nas miosa air a dh&#232;anamh. 17Cha mhotha a tha f&#236;on &#249;r air a chur a&#8209;steach do sheann shearragan. Ma tha, tha na searragan air an sracadh agus tha am f&#236;on air a dh&#242;rtadh is tha na searragan air an sgrios. Ach tha f&#236;on &#249;r air a chur a&#8209;steach do shearragan &#249;ra, agus tha an d&#224; chuid air an gleidheadh.&#8221;</div><div class="s1">Nighean Mharbh agus Boireannach Tinn</div><div class="p"> 18Fhad 's a bha e ag r&#224;dh nan rudan seo riutha, seall, th&#224;inig riaghladair agus l&#249;b e a ghl&#249;in ma choinneamh, ag r&#224;dh, &#8220;Tha mo nighean d&#236;reach air b&#224;sachadh, ach thig agus cuir do l&#224;mh oirre a&#8209;mh&#224;in, agus bidh i be&#242;.&#8221; 19Agus dh'&#232;irich &#204;osa agus lean e e, cuide ri a dheisciobail.</div><div class="p"> 20Agus seall, th&#224;inig boireannach a bha air d&#242;rtadh fala fhulang fad d&#224; bhliadhna dheug suas air a ch&#249;laibh agus bhean i do dh'iomall aodaich, 21oir thuirt i rithe fh&#232;in, &#8220;Ma bheanas mi ach dha aodach, th&#232;id mo shl&#224;nachadh.&#8221;</div><div class="p"> 22Thionndaidh &#204;osa, agus ga faicinn thuirt e, &#8220;A nighean, biodh deagh mhisneach agad; shl&#224;naich do chreideamh thu.&#8221; Agus sa bhad chaidh am boireannach a dh&#232;anamh sl&#224;n on uair sin.</div><div class="p"> 23Agus nuair a th&#224;inig &#204;osa gu taigh an riaghladair, agus a chunnaic e luchd&#8209;cluiche na feadaig is an sluagh a' d&#232;anamh &#249;praid, 24thuirt e, &#8220;Thallaibh, oir cha do bh&#224;saich a' chaileag, ach tha i na cadal.&#8221; Agus rinn iadsan g&#224;ire&#8209;magaidh air. 25Ach nuair a chaidh an sluagh a chur a&#8209;mach, chaidh e a&#8209;steach is rug e air l&#224;imh oirre, agus dh'&#232;irich a' chaileag. 26Agus chaidh an naidheachd mun seo a&#8209;mach air feadh na t&#236;re sin gu l&#232;ir.</div><div class="s1">&#204;osa a' Leigheas nan Dall is nam Balbh</div><div class="p"> 27Fhad 's a bha &#204;osa a' dol air adhart &#224;s a sin, lean dithis dhall e, ag &#232;igheach, &#8220;D&#232;an tr&#242;cair oirnne, a Mhic Dhaibhidh!&#8221;</div><div class="p"> 28Nuair a chaidh e a&#8209;steach dhan taigh, th&#224;inig na doill thuige, agus thuirt &#204;osa riutha, &#8220;A bheil sibh a' creidsinn gu bheil mise comasach air seo a dh&#232;anamh?&#8221;</div><div class="p">Thuirt iad ris, &#8220;Tha, a Thighearna.&#8221;</div><div class="p"> 29An uair sin bhean e dhan s&#249;ilean, ag r&#224;dh, &#8220;A r&#232;ir ur creideimh biodh e air a dh&#232;anamh dhuibh.&#8221; 30Agus chaidh an s&#249;ilean fhosgladh is thug &#204;osa rabhadh geur dhaibh, ag r&#224;dh, &#8220;Faicibh nach faigh neach sam bith fios air a seo.&#8221; 31Ach dh'fhalbh iad agus sgaoil iad an naidheachd ma dheidhinn air feadh na t&#236;re sin gu l&#232;ir.</div><div class="p"> 32Fhad 's a bha iad a' falbh, seall, thug iad duine balbh anns an robh deamhan thuige. 33Agus &#224;s d&#232;idh dhan deamhan a bhith air a thilgeil a&#8209;mach, bhruidhinn am balbhan. Agus ghabh an sluagh iongnadh, ag r&#224;dh, &#8220;Cha deach a leithid seo riamh fhaicinn ann an Israel.&#8221;</div><div class="p"> 34Ach thuirt na Pharasaich, &#8220;Tha e a' tilgeil a&#8209;mach dheamhan tro phrionnsa nan deamhan.&#8221;</div><div class="s1">Is Gann an Luchd&#8209;Obrach</div><div class="p"> 35Agus chaidh &#204;osa tro na bailtean m&#242;ra agus na bailtean beaga gu l&#232;ir, a' teagasg anns na sionagogan agus a' searmonachadh soisgeul na r&#236;oghachd, agus a' leigheas gach tinneas agus gach bochdainn. 36Nuair a chunnaic e an sluagh, ghabh e truas riutha, a chionn 's gun robh iad s&#224;raichte 's gun chuideachadh, mar chaoraich gun bhuachaille. 37An uair sin thuirt e ri a dheisciobail, &#8220;Gu deimhinn is m&#242;r am fogharadh, ach is gann an luchd&#8209;obrach. 38Mar sin, guidhibh air Tighearna an fhoghar luchd&#8209;obrach a chur a&#8209;mach dhan fhogharadh aige fh&#232;in.&#8221;</div>
 </div>
 </div>
</div>

Agus a' dol a‑steach do dh'eathar chaidh Ìosa thairis agus thàinig e dhan bhaile aige fhèin. Agus seall, thug iad thuige duine air an robh a' phairilis, na laighe air leabaidh. Agus nuair a chunnaic Ìosa an creideamh‑san, thuirt e ris an fhear air an robh a' phairilis, “Biodh deagh mhisneach agad, a leanaibh, tha do pheacaidhean air am mathadh dhut.”
Agus seall, thuirt cuid de na sgrìobhaichean riutha fhèin, “Tha am fear seo ri toibheum!”
Ach, le fios a bhith aige air an smuaintean, thuirt Ìosa, “Carson a tha sibh a' smaoineachadh uilc nur cridheachan? Oir dè as fhasa: a ràdh, ‘Tha do pheacaidhean air am mathadh dhut,’ no, ‘Èirich agus coisich’? Ach airson 's gum faod fios a bhith agaibh gu bheil ùghdarras aig Mac an Duine air an talamh airson peacaidhean a mhathadh …” An uair sin thuirt e ris an fhear air an robh a' phairilis, “Èirich, tog do leabaidh agus thalla dhad thaigh.” Agus dh'èirich e is chaidh e dha thaigh. Ach nuair a chunnaic an sluagh seo, ghabh iad an t‑eagal; agus ghlòraich iad Dia, a bha air a leithid seo de dh'ùghdarras a thoirt do dhaoine.

Fhad 's a bha Ìosa a' dol air adhart à sin, chunnaic e duine dham b' ainm Mata, na shuidhe aig bùth na cìse, agus thuirt e ris, “Lean mise.” Agus dh'èirich e is lean e e. Agus fhad 's a bha Ìosa na shuidhe aig bòrd san taigh, seall, thàinig mòran chìs‑mhaor agus pheacach, agus bha iad a' suidhe còmhla ri Ìosa agus ri a dheisciobail. Agus nuair a chunnaic na Pharasaich seo, thuirt iad ri a dheisciobail, “Carson a dh'itheas ur fear‑teagaisg còmhla ri cìs‑mhaoir agus ri peacaich?” Ach nuair a chuala e seo, thuirt e, “Chan iadsan a tha slàn aig a bheil feum air lighiche, ach iadsan a tha tinn. Ach thallaibh agus foghlaimibh dè a tha seo a' ciallachadh: ‘Is miann leam tròcair, agus chan e ìobairt.’ Oir cha tàinig mise a ghairm nam fìrean, ach nam peacach.”

An uair sin thàinig deisciobail Eòin thuige, ag ràdh, “Carson a bhios sinne agus na Pharasaich a' trasgadh gu tric agus nach bi do dheisciobail‑sa a' trasgadh?”
Agus thuirt Ìosa riutha, “An urrainn do fhleasgaich na bainnse a bhith brònach fhad 's a tha fear na bainnse còmhla riutha? Ach thig na làithean anns an tèid fear na bainnse a thoirt air falbh uapa, agus an uair sin nì iad trasgadh.
“Chan eil neach sam bith a' fuaigheal pìos aodaich neo‑sheargte air seann bhad aodaich, oir tha an tuthag a' draghadh air falbh on bhad aodaich, agus tha sracadh nas miosa air a dhèanamh. Cha mhotha a tha fìon ùr air a chur a‑steach do sheann shearragan. Ma tha, tha na searragan air an sracadh agus tha am fìon air a dhòrtadh is tha na searragan air an sgrios. Ach tha fìon ùr air a chur a‑steach do shearragan ùra, agus tha an dà chuid air an gleidheadh.”

Fhad 's a bha e ag ràdh nan rudan seo riutha, seall, thàinig riaghladair agus lùb e a ghlùin ma choinneamh, ag ràdh, “Tha mo nighean dìreach air bàsachadh, ach thig agus cuir do làmh oirre a‑mhàin, agus bidh i beò.” Agus dh'èirich Ìosa agus lean e e, cuide ri a dheisciobail.
Agus seall, thàinig boireannach a bha air dòrtadh fala fhulang fad dà bhliadhna dheug suas air a chùlaibh agus bhean i do dh'iomall aodaich, oir thuirt i rithe fhèin, “Ma bheanas mi ach dha aodach, thèid mo shlànachadh.”
Thionndaidh Ìosa, agus ga faicinn thuirt e, “A nighean, biodh deagh mhisneach agad; shlànaich do chreideamh thu.” Agus sa bhad chaidh am boireannach a dhèanamh slàn on uair sin.
Agus nuair a thàinig Ìosa gu taigh an riaghladair, agus a chunnaic e luchd‑cluiche na feadaig is an sluagh a' dèanamh ùpraid, thuirt e, “Thallaibh, oir cha do bhàsaich a' chaileag, ach tha i na cadal.” Agus rinn iadsan gàire‑magaidh air. Ach nuair a chaidh an sluagh a chur a‑mach, chaidh e a‑steach is rug e air làimh oirre, agus dh'èirich a' chaileag. Agus chaidh an naidheachd mun seo a‑mach air feadh na tìre sin gu lèir.

Fhad 's a bha Ìosa a' dol air adhart às a sin, lean dithis dhall e, ag èigheach, “Dèan tròcair oirnne, a Mhic Dhaibhidh!”
Nuair a chaidh e a‑steach dhan taigh, thàinig na doill thuige, agus thuirt Ìosa riutha, “A bheil sibh a' creidsinn gu bheil mise comasach air seo a dhèanamh?”
Thuirt iad ris, “Tha, a Thighearna.”
An uair sin bhean e dhan sùilean, ag ràdh, “A rèir ur creideimh biodh e air a dhèanamh dhuibh.” Agus chaidh an sùilean fhosgladh is thug Ìosa rabhadh geur dhaibh, ag ràdh, “Faicibh nach faigh neach sam bith fios air a seo.” Ach dh'fhalbh iad agus sgaoil iad an naidheachd ma dheidhinn air feadh na tìre sin gu lèir.
Fhad 's a bha iad a' falbh, seall, thug iad duine balbh anns an robh deamhan thuige. Agus às dèidh dhan deamhan a bhith air a thilgeil a‑mach, bhruidhinn am balbhan. Agus ghabh an sluagh iongnadh, ag ràdh, “Cha deach a leithid seo riamh fhaicinn ann an Israel.”
Ach thuirt na Pharasaich, “Tha e a' tilgeil a‑mach dheamhan tro phrionnsa nan deamhan.”

Agus chaidh Ìosa tro na bailtean mòra agus na bailtean beaga gu lèir, a' teagasg anns na sionagogan agus a' searmonachadh soisgeul na rìoghachd, agus a' leigheas gach tinneas agus gach bochdainn. Nuair a chunnaic e an sluagh, ghabh e truas riutha, a chionn 's gun robh iad sàraichte 's gun chuideachadh, mar chaoraich gun bhuachaille. An uair sin thuirt e ri a dheisciobail, “Gu deimhinn is mòr am fogharadh, ach is gann an luchd‑obrach. Mar sin, guidhibh air Tighearna an fhoghar luchd‑obrach a chur a‑mach dhan fhogharadh aige fhèin.”

ያዳምጡ Mata 9