If you have would like a copy of this version please contact info@davarpartners.org

Sukuma Old Testament

<div class="version vid1517 iso6393suk" data-vid="1517" data-iso6393="suk">
 <div class="book bkGEN">
 <div class="chapter ch25" data-usfm="GEN.25">
 <div class="label">25</div><div class="s">K&#363;cha kwa ng'wa Abulahamu</div><div class="p"> 1&#362; Abulahamu akatoola nk&#299;ma &#363;ng&#299;, lina lyakwe witanagwa Ketula. 2&#362; nk&#299;ma ng'wen&#363;yo &#363;myal&#299;la &#363; Abulahamu ba Zimulani, Yokishani, Medani, Midiani, Ishibaki na Shua. 3&#362; Yokishani akababyala ba Sheba na Dedani; a bit&#363;nja ba ng'wa Dedani baal&#299; ba Ashulimu, Letushimu na Leumimu. 4A bit&#363;nja ba ng'wa Midiani baal&#299; ba Efa, Efeli, Hanoki, Abida na Elida; a bose benaba baal&#299; ba b&#363;by&#299;le bo ng'wa Ketula. 5Gwike &#363; Abulahamu akang'winha Isaka py&#299; &#299; sabo yakwe. 6Al&#299;yo a bit&#363;nja ba k&#363;byalwa na bak&#299;ma bakwe a bang&#299;, akabagabanhya manoong'ho; hama aho ataal&#299; k&#363;cha, &#363;basaamya b&#299;nga a hal&#299; ng'wit&#363;nja wakwe &#363; Isaka; &#363;basaam&#299;ja k&#363; s&#299; ya k&#299;ya.</div><div class="p"> 7&#298; myaka ya b&#363;lamu bo ng'wa Abulahamu &#299; yose yal&#299; igana na mak&#363;mi mpungat&#299; n'&#299;tan&#242; (175). 8H&#363;na &#363; Abulahamu &#363;zumal&#299;ka mu b&#363;namhala bowiza; &#363;j&#299;kwa, wisang&#299;ja na bang'wawe al&#299; namhala wa myaka ming&#299;. 9A bit&#363;nja bakwe a ba Isaka n&#363; Ishimaeli b&#363;nj&#299;k&#299;la &#363; ng'wipilinga lya Makipela, &#299;lo l&#299;l&#299; hih&#299; na Mamule, ng'wilaale lya Ng'h&#299;t&#299;, &#363; Efuloni ng'wana Zohali. 10H'&#299; lilaale &#299;lo Abulahamu akal&#299;g&#363;la k&#363;fuma k&#363; Bah&#299;t&#299;. &#362; ng'wen&#363;mo h'&#363;mo akaj&#299;k&#299;lwa &#363; Abulahamu ham&#242; n&#363; nke &#363; Saala. 11&#362; Abulahamu aho wacha, &#363; Mulungu &#363;ng'wit&#299;&#299;la ning&#299; no &#363; ng'wit&#363;nja wakwe &#363; Isaka. &#298; shik&#363; jene wasangwa akwikalaga Beeli-lahai-loi.</div><div class="s">Shibyal&#299;lwe sha ng'wa Ishimaeli</div><div class="p"> 12&#298;y&#299; yene mihayo ya ng'wa Ishimaeli, ng'wit&#363;nja wa ng'wa Abulahamu, &#363;yo Haagali muna Misili, &#363; nt&#363;mami wa ng'wa Saala, akamyal&#299;la Abulahamu. 13Aya mina ga bit&#363;nja ba ng'wa Ishimaeli, g&#299;t'umo kwihela kwa k&#363;byalwa kwabo kwal&#299; k&#363;l&#299;, &#362; ng'wit&#363;nja wa kwandya k&#363;byala &#363; Ishimaeli wal&#299; Nebaioti; h&#363;na wiza Kedali, Adibeeli, Mibusamu, 14Mishima, Duma, Masa, 15Hadadi, Tema, Jetuli, Nafishi, Kedema. 16A benaba h&#363; baal&#299; bit&#363;nja ba ng'wa Ishimaeli; hama n&#299;yo a genaya ha mina ga basugi ba ng'anda ik&#363;mi n'ib&#299;l&#299;, k&#363;lengan&#299;la na mizengo, ham&#242; na ng'hamb&#299; jabo. 17&#298; myaka ya b&#363;lamu bo ng'wa Ishimaeli &#299; yose yal&#299; igana na mak&#363;mi a adat&#363; na mpungat&#299; (137). &#362;zumal&#299;ka, &#363;j&#299;kwa, wisang&#299;ja na bang'wawe. 18&#298; shibyal&#299;lwe shakwe shikazenga ng'wipand&#299; lya kwand&#299;ja Havila k&#363;ja Shuuli, bbih&#299; na l&#363;b&#299;mb&#299; lwa s&#299; ya Misili, k&#363;j&#299;l&#299;&#299;la Ashuli. Gwike bikalaga na wanishi &#363; k&#363; bichaabo py&#299; &#299; shik&#363;!</div><div class="s">K&#363;byalwa ba Esau na Yakobo</div><div class="p"> 19&#298;y&#299; yene mihayo ya ng'wa Isaka, ng'wit&#363;nja wa ng'wa Abulahamu; &#363; Abulahamu akamyala Isaka. 20&#362; Isaka aho al&#299;ntoola &#363; Lebbeka wal&#299; na myaka mak&#363;mi an&#232;. &#362; Lebbeka wal&#299; ng'wana Betueli, muna Alamu wa Padani-alamu; na wal&#299; il&#363;mb&#363;ye lya ng'wa Labani muna Alamu. 21&#362; Isaka akanombela &#363; nke nguno wal&#299; ng&#363;mba; &#363; SEEBA &#363;ng'wigwa, &#363;b&#363;cha nda. 22A baana aho bal&#299; &#363; mu nda b&#363;y&#363;nkoya#25:22 B&#363;y&#363;nkoya: A boi bikoyaga, b&#363;nkoya &#363; ninabo mu g&#299;ko. &#363; ninabo; k&#363;shisha nose &#363;haya, &#8220;Nib&#363;l&#299; nal&#299;koya g&#299;k&#299;?&#8221; &#362;ja k&#363;m&#363;ja SEEBA &#363; mhayo gwen&#363;yo.</div><div class="q1"> 23&#362; SEEBA &#363;ng'w&#299;la,</div><div class="q2">&#8220;&#362; mu nda yako gal&#299;mo</div><div class="q1">mahanga ab&#299;l&#299;,</div><div class="q2">&#362; mu b&#363;by&#299;le wako jikwilonga</div><div class="q1">ng'anda ib&#299;l&#299;</div><div class="q2">&#298;jo jit&#299; na b&#363;sang&#299;.</div><div class="q1">&#362; l&#363;m&#242; l&#363;k&#363;biza na nguzu</div><div class="q2">k&#363;tinda &#363; l&#363;ng&#299;;</div><div class="q1">&#363; ntaale ak&#363;nt&#363;mam&#299;la &#363; ndo.&#8221;</div><div class="p"> 24&#362; mu nda yakwe baal&#299;mo baana bagosha bab&#299;l&#299; ba mabasa; aho lyashika &#299; likanza lya k&#363;byala, 25&#362;yo akwandya k&#363;fuma wal&#299; waza, n&#299;yo &#363; m&#299;l&#299; gwakwe gwal&#299; g&#299;t&#299; igoodi lya booya; na l&#363;&#363;l&#363; b&#363;ng'witana Esau.#25:25 Esau: Esau, mak&#363;l&#363; gaho wa booya; n&#363;&#363;l&#363; Edomu, mak&#363;l&#363; gaho waza. 26&#362; nzunaaye &#363;k&#363;&#363;b&#299;ja haho na haho, wiza andimile kwishiigina &#363; Esau; &#363; mhayo gwen&#363;yo g&#363;ng'wenheleja kwitanwa Yakobo.#25:26 Yakobo: Yakobo, mak&#363;l&#363; gaho, ndiimi w'ishigina (n&#363;&#363;l&#363; nomolomo). &#362; Lebbeka aho al&#299;babyala a baana benabo, &#363; Isaka wal&#299; na myaka mak&#363;mi atandat&#363; (60).</div><div class="s">Esau k&#363;jinja b&#363;byalwa bo kwandya</div><div class="p"> 27A bayanda benabo aho bak&#363;la, &#363; Esau akabiza ng'h&#299;&#299;gi kalalamba; &#363;y&#363;d&#299;la k&#363; matogolo. Lelo &#363; Yakobo &#363;biza munh&#363; nembeezu wa kwikala ha kaya. 28&#362; Isaka wal&#299; atogilwe nyama ja ndimu, na l&#363;&#363;l&#363; akantogwa no &#363; Esau; al&#299;yo &#363; Lebbeka &#363;ntogwa &#363; Yakobo.</div><div class="p"> 29L&#363;shik&#363; l&#363;m&#242; &#363; Yakobo wal&#299; wazuga shihele#25:29 Shihele: N&#363;&#363;l&#363; shihembe. sha nd&#299;ng&#363;; &#363; Esau wiza atuubile k&#299;ng&#299; nasho, &#363; k&#363;fuma &#363; k&#363; matogolo &#363;ko wad&#299;laga. 30&#362;ng'w&#299;la &#363; Yakobo, &#8220;Alinisab&#363;l&#299;lage ho a banashihele a baaza benabo nalye, naakatuubaga!&#8221; (H'&#299; nguno yene akitanwa Edomu). 31Nang'hwe &#363; Yakobo &#363;nshokeja, &#8220;Nijing&#299;jage tame &#363; b&#363;byalwa wako wa kwandya.&#8221; 32&#362; Esau &#363;shosha al&#299;haya, &#8220;Bebe lekaga &#299; liguusha, &#363; nene nal&#299;b&#363;lagwa l&#363;tuubo, b&#363;k&#363;nigunanha k&#299; &#363; b&#363;byalwa bo kwandya?&#8221; 33&#362; Yakobo &#363;ng'w&#299;la, &#8220;Nilah&#299;l&#299;lage tame!&#8221; Wilah&#299;la ng'hana; &#363;njing&#299;ja Yakobo &#363; b&#363;byalwa wakwe wa kwandya. 34H&#363;na &#363; Yakobo &#363;ng'winha &#363; Esau ngat&#299; na shihele sha nd&#299;ng&#363;, &#363;lya. Aho wamala k&#363;lya &#363;ng'wa, h&#363;na &#363;b&#363;&#363;ka &#363;fuma &#363;ja. &#362; Esau &#363;biza wab&#363;dalaha &#363; b&#363;byalwa wakwe wa kwandya!</div>
 </div>
 </div>
</div>

Sukuma Bible © Bible Society of Tanzania, 2019.

Ū Abulahamu akatoola nkīma ūngī, lina lyakwe witanagwa Ketula. Ū nkīma ng'wenūyo ūmyalīla ū Abulahamu ba Zimulani, Yokishani, Medani, Midiani, Ishibaki na Shua. Ū Yokishani akababyala ba Sheba na Dedani; a bitūnja ba ng'wa Dedani baalī ba Ashulimu, Letushimu na Leumimu. A bitūnja ba ng'wa Midiani baalī ba Efa, Efeli, Hanoki, Abida na Elida; a bose benaba baalī ba būbyīle bo ng'wa Ketula. Gwike ū Abulahamu akang'winha Isaka pyī ī sabo yakwe. Alīyo a bitūnja ba kūbyalwa na bakīma bakwe a bangī, akabagabanhya manoong'ho; hama aho ataalī kūcha, ūbasaamya bīnga a halī ng'witūnja wakwe ū Isaka; ūbasaamīja kū sī ya kīya.
Ī myaka ya būlamu bo ng'wa Abulahamu ī yose yalī igana na makūmi mpungatī n'ītanò (175). Hūna ū Abulahamu ūzumalīka mu būnamhala bowiza; ūjīkwa, wisangīja na bang'wawe alī namhala wa myaka mingī. A bitūnja bakwe a ba Isaka nū Ishimaeli būnjīkīla ū ng'wipilinga lya Makipela, īlo līlī hihī na Mamule, ng'wilaale lya Ng'hītī, ū Efuloni ng'wana Zohali. H'ī lilaale īlo Abulahamu akalīgūla kūfuma kū Bahītī. Ū ng'wenūmo h'ūmo akajīkīlwa ū Abulahamu hamò nū nke ū Saala. Ū Abulahamu aho wacha, ū Mulungu ūng'witīīla ningī no ū ng'witūnja wakwe ū Isaka. Ī shikū jene wasangwa akwikalaga Beeli-lahai-loi.

Īyī yene mihayo ya ng'wa Ishimaeli, ng'witūnja wa ng'wa Abulahamu, ūyo Haagali muna Misili, ū ntūmami wa ng'wa Saala, akamyalīla Abulahamu. Aya mina ga bitūnja ba ng'wa Ishimaeli, gīt'umo kwihela kwa kūbyalwa kwabo kwalī kūlī, Ū ng'witūnja wa kwandya kūbyala ū Ishimaeli walī Nebaioti; hūna wiza Kedali, Adibeeli, Mibusamu, Mishima, Duma, Masa, Hadadi, Tema, Jetuli, Nafishi, Kedema. A benaba hū baalī bitūnja ba ng'wa Ishimaeli; hama nīyo a genaya ha mina ga basugi ba ng'anda ikūmi n'ibīlī, kūlenganīla na mizengo, hamò na ng'hambī jabo. Ī myaka ya būlamu bo ng'wa Ishimaeli ī yose yalī igana na makūmi a adatū na mpungatī (137). Ūzumalīka, ūjīkwa, wisangīja na bang'wawe. Ī shibyalīlwe shakwe shikazenga ng'wipandī lya kwandīja Havila kūja Shuuli, bbihī na lūbīmbī lwa sī ya Misili, kūjīlīīla Ashuli. Gwike bikalaga na wanishi ū kū bichaabo pyī ī shikū!

Īyī yene mihayo ya ng'wa Isaka, ng'witūnja wa ng'wa Abulahamu; ū Abulahamu akamyala Isaka. Ū Isaka aho alīntoola ū Lebbeka walī na myaka makūmi anè. Ū Lebbeka walī ng'wana Betueli, muna Alamu wa Padani-alamu; na walī ilūmbūye lya ng'wa Labani muna Alamu. Ū Isaka akanombela ū nke nguno walī ngūmba; ū SEEBA ūng'wigwa, ūbūcha nda. A baana aho balī ū mu nda būyūnkoya ū ninabo; kūshisha nose ūhaya, “Nibūlī nalīkoya gīkī?” Ūja kūmūja SEEBA ū mhayo gwenūyo.
Ū SEEBA ūng'wīla,
“Ū mu nda yako galīmo
mahanga abīlī,
Ū mu būbyīle wako jikwilonga
ng'anda ibīlī
Ījo jitī na būsangī.
Ū lūmò lūkūbiza na nguzu
kūtinda ū lūngī;
ū ntaale akūntūmamīla ū ndo.”
Ū mu nda yakwe baalīmo baana bagosha babīlī ba mabasa; aho lyashika ī likanza lya kūbyala, Ūyo akwandya kūfuma walī waza, nīyo ū mīlī gwakwe gwalī gītī igoodi lya booya; na lūūlū būng'witana Esau. Ū nzunaaye ūkūūbīja haho na haho, wiza andimile kwishiigina ū Esau; ū mhayo gwenūyo gūng'wenheleja kwitanwa Yakobo. Ū Lebbeka aho alībabyala a baana benabo, ū Isaka walī na myaka makūmi atandatū (60).

A bayanda benabo aho bakūla, ū Esau akabiza ng'hīīgi kalalamba; ūyūdīla kū matogolo. Lelo ū Yakobo ūbiza munhū nembeezu wa kwikala ha kaya. Ū Isaka walī atogilwe nyama ja ndimu, na lūūlū akantogwa no ū Esau; alīyo ū Lebbeka ūntogwa ū Yakobo.
Lūshikū lūmò ū Yakobo walī wazuga shihele sha ndīngū; ū Esau wiza atuubile kīngī nasho, ū kūfuma ū kū matogolo ūko wadīlaga. Ūng'wīla ū Yakobo, “Alinisabūlīlage ho a banashihele a baaza benabo nalye, naakatuubaga!” (H'ī nguno yene akitanwa Edomu). Nang'hwe ū Yakobo ūnshokeja, “Nijingījage tame ū būbyalwa wako wa kwandya.” Ū Esau ūshosha alīhaya, “Bebe lekaga ī liguusha, ū nene nalībūlagwa lūtuubo, būkūnigunanha kī ū būbyalwa bo kwandya?” Ū Yakobo ūng'wīla, “Nilahīlīlage tame!” Wilahīla ng'hana; ūnjingīja Yakobo ū būbyalwa wakwe wa kwandya. Hūna ū Yakobo ūng'winha ū Esau ngatī na shihele sha ndīngū, ūlya. Aho wamala kūlya ūng'wa, hūna ūbūūka ūfuma ūja. Ū Esau ūbiza wabūdalaha ū būbyalwa wakwe wa kwandya!

ያዳምጡ wandījo 25