Biblica, The International Bible Society፣ የኀትመትና መጽሐፍ ቅዱስ ከሕይወት ጋር እንዲዛመድ የሚያግዙ ተግባራትን በአፍሪካ፣ በእስያ ፓስፊክ፣ በአው ሮፓ፣ በላቲን አሜሪካ፣ በመካከለኛው ምሥራቅና በሰሜን አሜሪካ በማከናወን የእግዚአብሔርን ቃል ለሰዎች የሚያቀርብ ድርጅት ነው። ቢብሊካ (Biblica) በዚህ ዓለም አቀፍ አቅራቦቱ፣ የእግዚአብሔር ቃል ለሰዎች እንዲደርስና ከኢየሱስ ክርስቶስ ጋር ከሚኖራቸው ኀብረት የተነሣ ሕይወታቸው እንዲለወጥ ይተጋል።

New Amharic Standard Version (Addisu Medebegna Tirgum), Audio EditionAudio Copyright ℗ 2017 by Biblica, Inc.®Used by permission of Biblica, Inc.® All rights reserved worldwide. አዲሱ መደበኛ ትርጒም፣ የድምፅ እትምየድምፅ የቅጂ መብት ℗ 2017 በ Biblica, Inc.®ፍቃድ የተሰጠው በ Biblica, Inc.®። መብቱ በሕግ የተጠበቀ። Holy Bible, New Amharic Standard Version (Addisu Medebegna Tirgum)Copyright © 2001 by Biblica, Inc.®Used by permission of Biblica, Inc.® All rights reserved worldwide. መጽሐፍ ቅዱስ፥ አዲሱ መደበኛ ትርጒምየቅጂ መብት © 2001 በ Biblica, Inc.®ፍቃድ የተሰጠው በ Biblica, Inc.®። መብቱ በሕግ የተጠበቀ።

መጽሐፍ ቅዱስ፥ አዲሱ መደበኛ ትርጒም፣ የድምፅ እትም

መጽሐፍ ቅዱስ፣ አዲሱ መደበኛ ትርጕም™ የቅጅ መብት © 2001 በ Biblica, Inc. ፈቃድ የተገኘባቸው ናቸው። መብቱ በመላው ዓለም በሕግ የተጠበቀ። Holy Bible, New Amharic Standard Version™ (Addisu Medebegna Tirgum™) Copyright © 2001 by Biblica, Inc. Used with permission. All rights reserved worldwide.

እስራኤላውያን ሁሉ ሊያነግሡት ወደዚያ ሄደው ስለ ነበር፣ ሮብዓም ወደ ሴኬም ሄደ። ከንጉሥ ሰሎሞን ሸሽቶ በግብፅ ይኖር የነበረው የናባጥ ልጅ ኢዮርብዓም ይህን ሲሰማ፣ ከግብፅ ተመልሶ መጣ። እርሱንም ልከው አስጠሩት፤ ከዚያም እርሱና እስራኤል ሁሉ ወደ ሮብዓም ሄደው እንዲህ አሉት፤ “አባትህ በላያችን ከባድ ቀንበር ጫነብን፤ አንተ ግን አስጨናቂውን ሥራና በላያችን የጫነብንን ከባድ ቀንበር አቅልልልን፤ እኛም እንገዛልሃለን።”
ሮብዓምም፣ “ከሦስት ቀን በኋላ ተመልሳችሁ ወደ እኔ ኑ” አላቸው፤ ስለዚህ ሰዎቹ ወጥተው ሄዱ።
ከዚያም ንጉሥ ሮብዓም፣ “ለዚህ ሕዝብ ምን እንድመልስለት ትመክሩኛላችሁ?” በማለት አባቱ ሰሎሞን በሕይወት ሳለ ያገለገሉትን የእስራኤልን ሽማግሌዎች ጠየቃቸው።
እነርሱም፣ “ለዚህ ሕዝብ ደግ ከሆንህለት፣ ደስ ካሰኘኸውና የሚስማማው መልስ ከሰጠኸው ምንጊዜም ይገዛልሃል” አሉት።
ሮብዓም ግን ሽማግሌዎች የሰጡትን ምክር ትቶ፣ አብሮ አደጎቹና አገልጋዮቹ ከሆኑት ወጣቶች ምክር ጠየቀ፤ እንዲህም አላቸው፤ “ ‘አባትህ የጫነብንን ቀንበር አቅልልልን’ ለሚሉኝ ለእነዚህ ሰዎች የምትሰጡኝ ምክር ምንድን ነው? ምንስ ብለን እንመልስላቸው?”
አብሮ አደጎቹም ወጣቶች እንዲህ ሲሉ መለሱለት፤ “ለጠየቍህ ሕዝብ፤ ‘አባትህ በላያችን ከባድ ቀንበር ጫነብን፤ አንተ ግን ቀንበራችንን አቅልልልን’ ለሚሉህ እንዲህ በላቸው፤ ‘ትንሿ ጣቴ ከአባቴ ወገብ ይልቅ ትወፍራለች፤ አባቴ ከባድ ቀንበር ጫነባችሁ፤ እኔ ግን የባሰ አከብደዋለሁ፤ አባቴ በዐለንጋ ገረፋችሁ፤ እኔ ግን በጊንጥ እገርፋችኋለሁ።’ ”
ንጉሡ፣ “ከሦስት ቀን በኋላ ተመልሳችሁ ኑ” ባላቸው መሠረት ኢዮርብዓምና ሕዝቡ ሁሉ ከሦስት ቀን በኋላ ወደ ሮብዓም ተመለሱ። ንጉሡም የሽማግሌዎችን ምክር በመናቅ፣ አመናጭቆ መለሰላቸው፤ እርሱም የወጣቶቹን ምክር በመቀበል፣ “አባቴ ቀንበራችሁን አከበደ፤ እኔ ደግሞ የባሰ አከብደዋለሁ፤ አባቴ በዐለንጋ ገረፋችሁ፤ እኔ ደግሞ በጊንጥ እገርፋችኋለሁ” አላቸው። እግዚአብሔር በሴሎናዊው በአሒያ አማካይነት ለናባጥ ልጅ ለኢዮርብዓም የተናገረው ቃል ይፈጸም ዘንድ፣ ወስኖ ስለ ነበር፣ ንጉሡ ሕዝቡን አላዳመጠም።
መላው እስራኤልም ንጉሡ ሊሰማቸው አለመፈለጉን በተረዱ ጊዜ፣ እንዲህ ሲሉ መለሱለት፤
“ከዳዊት ምን ድርሻ አለን?
ከእሴይስ ልጅ ምን ክፍል አለን?
እስራኤል፣ ሆይ፤ ወደ ድንኳንህ ተመለስ፤
ዳዊት ሆይ፤ አንተም የገዛ ቤትህን ጠብቅ።”
ስለዚህ እስራኤላውያን ሁሉ ወደየቤታቸው ተመለሱ። ይሁን እንጂ በይሁዳ ከተሞች የሚኖሩትን እስራኤላውያን አሁንም የሚገዛቸው ሮብዓም ነበር።
ንጉሥ ሮብዓም የገባሮች ኀላፊ የነበረውን አዶራምን ላከው፤ እስራኤላውያን ግን በድንጋይ ወግረው ገደሉት። ንጉሥ ሮብዓም ግን እንደ ምንም ብሎ ሰረገላው ላይ በመውጣት ወደ ኢየሩሳሌም ሸሽቶ አመለጠ። ስለዚህ እስራኤል እስከ ዛሬ ድረስ በዳዊት ቤት ላይ እንደ ዐመፀ ነው።

ያዳምጡ 2 ዜና መዋዕል 10