PSALMS 135:5-6

Deel

PSALMS 135:5-6 Bybel vir almal (ABA)

Ja, ek weet dit, die Here is groot, ons Here is groter as al die gode. Die Here doen alles wat Hy wil doen, in die hemel en op die aarde, in die see en die diep water.

PSALMS 135:5-6 Afrikaans 1933/1953 (AFR53)

Waarlik, ék weet dat die HERE groot en onse Here bo alle gode is. Alles wat die HERE behaag, doen Hy, in die hemel en op die aarde, in die seë en al die dieptes.

PSALMS 135:5-6 Afrikaans 1983 (AFR83)

Ek weet, die Here is groot, ons Here is verhewe bo al die gode. Alles wat die Here wil, doen Hy, in die hemel en op aarde, in die see, in al die oseane.

PSALMS 135:5-6 Die Bybel 2020-vertaling (AFR20)

Ja, ek, ek weet dat die HERE groot is, dat ons Heer groter is as al die gode. Alles wat die HERE behaag, doen Hy in die hemel en op die aarde, in die oseane en alle dieptes.

PSALMS 135:5-6 Contemporary Afrikaans Bible 2023 (CAB23)

Want ek weet dat die HERE groot is en dat onse HERE bo al die gode is. Alles wat die HERE behaag het, dit het Hy gedoen in die hemel en op die aarde, in die see en al die wêreldvloede.

PSALMS 135:5-6 Die Boodskap (DB)

Dit staan soos ’n paal bo water: die Here is ’n groot God, groter as alle ander gode. Hy doen wat Hy wil. Bo in die ruimtes, hier op die aarde, selfs in die see of op enige ander plek doen die Here wat Hy wil.

PSALMS 135:5-6 Nuwe Lewende Vertaling (NLV)

Ek weet die HERE is groot, ons Here is groter as alle gode. Die HERE doen wat Hy wil, in die hemel en op die aarde, op die see en in die diepste oseane.