JEREMIA 14:20-21
JEREMIA 14:20-21 Bybel vir almal (ABA)
Here, ons weet ons is skuldig, en ons voorvaders was ook skuldig, want ons almal het sonde gedoen teen U. U moet ons nie los nie, want U is die Here. U is op hierdie plek Koning, U moenie dat mense nie meer hierdie plek eer nie. U moet onthou U het 'n verbond gemaak met ons, U moenie die verbond breek nie.
JEREMIA 14:20-21 Afrikaans 1933/1953 (AFR53)
HERE, ons ken ons goddeloosheid, die ongeregtigheid van ons vaders, want ons het teen U gesondig. Verwerp ons nie ter wille van u Naam; onteer die troon van u heerlikheid nie; hou tog in gedagtenis, verbreek nie u verbond met ons nie.
JEREMIA 14:20-21 Afrikaans 1983 (AFR83)
Ons erken dat ons opstandig was, Here, ons het teen U gesondig. Ons bely ook die skuld van ons voorvaders. Ter wille van u Naam, Here, moet ons tog nie verwerp nie. Moenie dat die plek waar u magtige teenwoordigheid regeer, verag word nie. Dink aan u verbond met ons, moet dit tog nie prysgee nie!
JEREMIA 14:20-21 Die Bybel 2020-vertaling (AFR20)
Ons erken ons goddeloosheid, HERE, die sondeskuld van ons voorouers. Ja, ons het teen U gesondig. Moet ons nie verstoot nie, ter wille van u Naam; moenie u heerlike troon ontwy nie! Onthou tog – moenie u verbond met ons verbreek nie!
JEREMIA 14:20-21 Contemporary Afrikaans Bible 2023 (CAB23)
Ons erken, HERE, ons boosheid en die ongeregtigheid van ons vaders, want ons het teen U gesondig. Moenie van ons afsku nie, ter wille van u Naam, moenie die troon van u heerlikheid in skande bring nie; onthou, verbreek nie u verbond met ons nie.
JEREMIA 14:20-21 Die Boodskap (DB)
Here, ons erken dat ons verkeerde dinge gedoen het. So ook ons voorouers. Ons het nie die dinge gedoen wat U wou hê ons moes doen nie. Ek vra dat U ook ter wille van Uself ons nie van U af sal wegstoot nie. Jerusalem is u blyplek wat baie spesiaal is. Moenie dat daar skade aan die stad gedoen word nie. U is ons God en ons is u mense. Moenie die ooreenkoms tussen U en ons verbreek nie.
JEREMIA 14:20-21 Nuwe Lewende Vertaling (NLV)
HERE, ons bely ons verkeerde dinge wat ons en ons voorouers gedoen het! Ons het teenoor U gesondig. Ek vra dat U, ter wille van Uself, ons nie sal verwerp nie. Moenie dat daar skade kom aan u roemryke troon nie. Moenie u verbond met ons verbreek nie. Moenie ons vergeet nie.