Tutapongai 5
5
Matan Inatus si Adam
1Kana na akuskus kita kalang ia i kana matan inatus na Adam. Si taun ang na God kata asinong na ri vap, kata pitopito iria usiusing kakana ta kankanuai akorong pok. 2Kata pitopito iria ani ki tauan na ki aina. Na nia si taun ang akorong kala poso atautauia iria na kala posong iria ta ri vap. 3Na Adam kala 130 na matas na kala asereai ani mang sikei a nat kana asan ta Set. Nat ke katapo asukang luai val tamana. 4Emung ina Adam kala to pok le na mang 800 na matas. Nei liuan i pangau ang kata atogon kapa na mang matan inatus nat kavulik. 5Aongos Adam kata to na 930 na matas le na kala mat. 6Na Set kala 105 na matas na kala atogon kakana ta kun nat kana asan ta Enos. 7Au le na kala to na mang 807 na matas. Nei liuan i pangau ang kata atogon kapa na mang matan inatus nat kavulik. 8Aongos Set kata to na 912 na matas le na kala mat. 9Na Enos kala 90 na matas na kala atogon kakana ta kun nat, Kenan. 10Emung ina Enos kala to pok le na mang 815 na matas. Nei liuan i pangau ang kata atogon kapa na mang matan inatus nat kavulik. 11Aongos Enos kata to na 905 na matas le na kala mat. 12Na Kenan kala 70 na matas na kala atogon kana kun nat, Malalel. 13Emung ina kala to pok le na mang 840 na matas. Nei liuan i pangau ang kata atogon kapa na mang matan inatus nat kavulik. 14Aongos Kenan kata to na 910 na matas le na kala mat. 15Na Malalel kala 65 na matas na kala asereai ani kakana ta kun nat Iared. 16Emung ina kala to pok le na mang 830 na matas. Nei liuan i pangau ang kata atogon kapa na mang matan inatus nat kavulik. 17Aongos Malalel kata to na 895 na matas le na kala mat. 18Na Iared kala 162 na matas na kala asereai ani Enok. 19Emung ina Iared kala to pok le na mang 800 na matas. Nei liuan i pangau ang kata atogon kapa na mang matan inatus nat kavulik. 20Aongos Iared kata to na 962 na matas le na kala mat. 21Na Enok kala 65 na matas na kala kun atogon kakana ta kun nat, Metusela. 22Na emung ina Enok kala to i pasal ve God ani mang 300 na matas pok le. Nei liuan i pangau ang kata atogon kapa na mang matan inatus nat kavulik. 23Aongos Enok kata to na 365 na matas. 24Au, na using Enok kata to aro i usiusing ani God, God kata songo suai ania na kala kovek palau. 25Na Metusela kala 187 na matas na kala asereai ani kakana ta kun nat, Lamek. 26Emung ina kala to pok le na mang 782 na matas. Nei liuan i pangau ang kata atogon kapa na mang matan inatus nat kavulik. 27Aongos Metusela kata to na 969 na matas le na kala mat. 28Au na Lamek kala 187 na matas na kala asereai ani kakana ta kun nat. 29Na kala atuk ia ta Noa kuli mengen ke kata posong ia singina ta, “Nat ke ka kopo aus ira pelek a kui lava ke tarapo duai ia si kara keve avibisan e kuli rina ke, nang a God kata poso arikek ia.” 30Emung i Noa, Lamek kala to pok le na mang 595 na matas. Nei liuan i pangau ang kata atogon kapa na mang matan inatus nat kavulik. 31Aongos Lamek kata to na 777 na matas le na kala mat. 32Au na Noa kala 500 na matas na kala asereai ani potol a nat ke, Sem, Am na Iapet.
Tans Gekies:
Tutapongai 5: lcm
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
© 2011, Wycliffe Bible Translators, Inc. All rights reserved.
