JOHANNES 1:2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34

Hy was reeds in die begin by God.

Alles het deur Hom tot stand gekom: ja, nie 'n enkele ding wat bestaan, het sonder Hom tot stand gekom nie.

In Hom was daar lewe, en dié lewe was die lig vir die mense.

Die lig skyn in die duisternis, die duisternis kon dit nie uitdoof nie.

Daar was 'n man wat deur God gestuur is. Sy naam was Johannes.

Hy het gekom om te getuig; hy moes getuig van die lig, sodat almal deur hom tot geloof kon kom.

Hy was self nie die lig nie, maar hy moes van die lig getuig.

Die ware lig wat elke mens verlig, was aan kom na die wêreld toe.

Hy wás in die wêreld – die wêreld het deur Hom tot stand gekom – en tog het die wêreld Hom nie erken nie.

Hy het na sy eiendom toe gekom, en tog het sy eie mense Hom nie aangeneem nie.

Maar aan almal wat Hom aangeneem het, dié wat in Hom glo, het Hy die reg gegee om kinders van God te word.

Hulle is dit nie van nature nie, nie deur die drang van 'n mens of die besluit van 'n man nie, maar hulle is uit God gebore.

Die Woord het mens geword en onder ons kom woon. Ons het sy heerlikheid gesien, die heerlikheid wat Hy as die enigste Seun van die Vader het, vol genade en waarheid.

Johannes getuig van Hom en roep uit: “Dit is Hy wat ek bedoel het toe ek gesê het: Hy wat ná my kom, is my vóór, want Hy was voor my reeds daar.”

Uit sy oorvloed het ons almal genade op genade ontvang.

God het die wet deur Moses gegee; die genade en die waarheid het deur Jesus Christus gekom.

Niemand het God ooit gesien nie. Sy enigste Seun, self God, wat die naaste aan die Vader is, dié het Hom bekend gemaak.

Die Jode het priesters en Leviete van Jerusalem af na Johannes toe gestuur om hom te vra: “Wie is jy?” Toe het hy hierdie getuienis afgelê

en dit duidelik en ondubbelsinnig gestel en openlik verklaar: “Ek is nie die Christus nie.”

Hulle vra hom toe: “Wie is jy dan? Is jy Elia?” “Nee, ek is nie,” sê hy. “Is jy dan die Profeet?” “Nee!” het hy geantwoord.

“Nou maar wie is jy dan? Ons moet 'n antwoord gaan gee aan dié wat ons gestuur het,” sê hulle vir hom. “Wat het jy oor jouself te sê?”

Hy antwoord toe: “Ek is die een wat in die woestyn roep: Maak die pad vir die Here reguit.” Dit is soos die profeet Jesaja gesê het.

Daar was Fariseërs onder dié wat gestuur is

en hulle het vir hom gevra: “Nou maar waarom doop jy dan as jy nie die Christus is nie en ook nie Elia nie en ook nie die Profeet nie?”

Johannes het hulle geantwoord: “Ek doop met water, maar tussen julle staan daar Iemand vir wie julle nie ken nie.

Dit is Hy wat ná my kom, wie se skoene ek nie werd is om los te maak nie.”

Dit het oorkant die Jordaan in Betanië gebeur, waar Johannes besig was om te doop.

Die volgende dag sien Johannes vir Jesus na hom toe kom. Hy sê toe: “Dáár is die Lam van God wat die sonde van die wêreld wegneem!

Dit is Hy wat ek bedoel het toe ek gesê het: ‘Ná my kom daar 'n Man wat my vóór is, want Hy was voor my reeds daar.’

Ek het self ook nie geweet wie Hy is nie, maar ek het gekom en ek doop met water sodat Hy aan Israel bekend gestel kan word.”

Verder het Johannes getuig: “Ek het duidelik die Gees soos 'n duif uit die hemel sien kom, en Hy het op Hom gebly.

Ek het self ook nie geweet wie Hy is nie, maar God wat my gestuur het om met water te doop, het vir my gesê: ‘Die Een op wie jy die Gees sien kom en bly, dit is Hy wat met die Heilige Gees doop.’

Ek het dit self gesien en daarom getuig ek: Hy is die Seun van God.”

Free Reading Plans and Devotionals related to JOHANNES 1:2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34

The Book Of Mysteries: Defining Love

The Horror of the Cross — Seeing the Cross Through the Eyes of Jesus

A Beam of Hope: Life-Anchoring Truths for Those Behind Bars & Their Families

[Truth & Love] in Word and Deed

I Am a Beloved Daughter of God

[The Words of Advent] HOPE

Slowing Down for the Season

How Do I Know God Loves Me? God’s Love in Genesis

Outshine

What's in a Word?

Jesus - God Became Man

Overview Of The Gospels

Follow Me: An Unending Conversation With Jesus

Wedding in Cana

Every Nation Faith City - Voices

[Revelation] The Comeback: White Horse Return

The Gift of Christmas

Better View Deluxe

Who Was Jesus?

Righteousness

Our Father, Who Draws Art in Heaven

Kids Bible Experience | Follow Me

Kids Bible Experience | Jesus, the Best Gift Ever

I Am He (S1-E8)

[Uniqueness of Christ] Jesus' Unique Reality