मत्ती 12

यीशु चोखरा दिन गा प्रभु

(मरकुस 2:23-28; लूका 6:1-5)

1डी टेमोन हेजे मिनी परमेश्वर गा चोखरा दिन, जब यीशु दियागा चेलाकू खिटीनींजटे चेल्के डा मेटे दियागा चेलाकू गुंहू गा जौ देडेज लज्जे डो जोजोम लज्जे। 2फरीसि कुरकू नी इनी धोटे डीचके मंडीके, “डोगे, अमा चेलाकू एनोगो कामय चोया दाडावा, जो मूसा गा नियम गा रोंगो परमेश्वर गा चोखरा दिनेन दडा सही बाऊ होय।” 3डीचनी दिकुके मंडीके, “चोच आपेनी बान पळातिंज्दुका, घोनेच टेमो पेला आलेगा खापेट जुनाकु दाऊद नी जब दियागा सोपतीकु रांगेजका डा मेटे चोच डाके।”

4दिकु चोफारटे परमेश्वर गा डेरान ओले डी सोकळाके जोफे जो परमेश्वर के भार जीटे पेळेचके एठा हेजा गा सोपतीकूके जीके। जो मूसा नियम गा रोंगो बस परमेश्वर गा याजककुन का जोजोम गा अनुमति डा? 5चोच आपे मूसा गा नियम गेन बान पळातिंजडूका अगर यहूदी याजक परमेश्वर गा चोखरा दिन यरूशलेम गा मंदिरेन होय परमेश्वर गा चोखरा दिन रितो त्याटया गेन निर्दोष ठहरातिंजूबा होय। #गिन. 28:9,10; यूहन्ना 7:22,23

6पेनो इंज आपेटे मंडीवा होय कि येटेन देटेन होय जो यरूशलेम गा मंदिर टे भी खाट होय। 7अगर आम हाडाई होय कि येनेगो चोच मतलब होय, मेटे आम निर्दोष चेलाकू गा निंदा बान दडा। इंजा घल्जी बलिदान पेपेळेचटे गा वाजा इंज चहतावाकी आपे दूसराकु घल्जी दयालु आरोए। 8इंज कोरो गा कोण परमेश्वर गा चोखरा दिन गा मठान हाकगेल्ला दोडोवा।

लोखोळ टी मिठाच कोरो

(मरकुस 3:1-6; लूका 6:6-11)

9देटे टे सेंदराटे देटेन दिकुगा आराधना जगान हेन। 10देटेन म्या कोरो डा, दियागा टी लूला डा। आराधना जगान नी अदा फरीसि कुरकू यीशु लिजेन आनोवा टोकाके डा म्या वाजा घगाटा लक्के डा। एठा दिकुनी दिया लिजेन वाजा घगाटा लक्के डा दियाटे कोम्बाराके चोच परमेश्वर गा चोखरा दिनेन ससाजा साही होय? 11डीचनी दिकुटे मंडीके, आपे तलाटे येनोगो जे होय, दियागा म्या मेंडा टासो। अगर देटेन परमेश्वर गा चोखरा दिन म्या गढढान बोचोयेन टासो, आपे पक्का रुपोटे डीचके बचातिंजेज्बा? 12भला, कोरो गा मूल्य मेंडा टे चोटो खाट होय। इनिघल्जी परमेश्वर चोखरा दिन कुरकू गा भालाई दडा सही होय। 13मेटे यीशु नी डी कोरो टे मंडीके, “अमा टी इंज कोनेन बळातिंज्के।” डीचनी बळतिंज्के, दिया टी डाबोलटे दूसरा टी रोंगो साजायेन। 14मेटे फरीसि कुरकू बल्लान ओलेडो एठा यीशु गा खिलाफबेन योजना आरु लज्जे कि यीशु के चोफर टे घोजेचबा।

परमेश्वर गा कलमके सेवा दडा

15येटेन मालूमजे यीशु देटे ओले। एठा म्या खाट गर्दी दियागा टाऊटे ओले, एठा डीचनी घोनेच कुरकू के सजाकेकु। 16एठा यीशु नी दिकुके खट्टेका चतारायकेकू एठा मंडीके, “जेकाकेभी बाकी गघाल कि देटेन परमेश्वर गा कोण होय।” 17डीचनी येनोगो इनिघल्जी डाके चोयाकी परमेश्वर नी जो वचन यशायाह परमेश्वर गा कोनेटे मंडीमिठाच वोजीटे मंडीके डा, देटेन पुरायू:

18“डोगे, येटेन इंजागा भाग्य होय, डीचके इंज्नी कलमकेनेच होय, इंजा प्रिय, दियाटे इंज मन खुशोके होय, इंज इंजागा परमेश्वर गा आत्मा दिया लिंजेन येंडाएवा, एठा देटेन अलग्गो जाटो गा कुरकू गा न्याय गा खाबोर जेबा। 19देटेन न झगडा डाएवा, एठा न चिल्लातिंजूवा, एठा देटेन कुरकू गा तलान तुनिका जोरदार भाषण बान जिऊ। 20देटेन तुनिका येनोगो कोरो के कासु बान घाई डाए, जो जेकाभी डोंगळा रोंगो कामजोर होय। एठा देटेन धुंजा जिऊ मिनी उजालाके बान हिरीच। आखरीन दिकु न्याय गा घल्जी जीटाऊ गा वाजा ठहरातिंजूबा। 21एठा अलग्गो जाटो गा कुरकू दिया लिंजेन जीमू लिंजेन आसा डोएबा।”

यीशु एठा भूतो टे राजो

(मरकुस 3:20-30; लूका 11:14-23)

22मेटे कुरकू म्या अंधळा के गूंगाके दियेन भूतोकु डा मेटे यीशु नी भूतोकुके डी कोरो टे बल्लान ओठकेनेज, मेटे डीचनी मंडी सुरुके एठा अंधळा भी दोडो लज्जे होय। 23इनी बातो कुरकू बिचार टे मंडी लज्जे, “चोच येटेन दाऊद कोणटे होय?” 24पेनो फरीसि कुरकू इनी आजोम टे मंडीके, “येटेन भूतोकु गा मुख्या, शैतान गा शक्ती बिना भूतोकुके बान कोखला डा।”

25यीशु नी दिकुगा मन गा बातो चिनाटे दिकुके मंडीके, “तुनिकाभी येनोगो राज्य डेन फुटके होय। तुनिकाभी पूरा या म्या सगाकु गा कुरकू एक-मेग गा खिलाफबेन जू, डो इनी सगाकु फुटके गा टेमोन म्या जगान बान थंदळ।” 26एठा अगर शैतान का भूतोकुके बाल्लन ओट टासो मेटे देटेन हेजाका खिलाफबेनुवा, डाबोलटे दियागा राज्य टोनोगो आरु बान थंदळ? 27अगर इंज शैतान गा मदत टे भूतोकुके कोखाला टासो, मेटे आपेगा पीढी जेगा मदत टे कोलाकुवा? इनिघल्जी डीचका आपेगा फैसला दडामिठाच डाएवा।

28पेनो अगर इंज परमेश्वर गा आत्मा गा मदत टे भूतोकुके कोखाला मेना, मेटे परमेश्वर गा राज्य आपे मेरान हेन होय। 29टोनोगो तुनिका म्या कोरो तुनिका ताखातदार गा उरान मुटे दियागा माल लुटातिंजेबा होय मेटे टाएन पेला डी ताखातदार के तोटोल होना टासो? एठा मेटे देटेन दियागा उरा लुटातिंजेबा। 30जो इंजागा सेंग्गोन बाऊ, देटेन इंजागा खिलाफबेन होय, एठा जो इंजागा सेंग्गोन बान कखाटिंज देटेन पासरुबा।

31इनिघल्जी इंज आपेटे मंडी टासो कोरो गा वोजीटे डाके हारेक पापो एठा बुराई मापोएबा, पेनो पवित्र आत्मा गा खिलाफबेन मापोए बाने होय। 32अगर जेका कोरो गा कोण गा खिलाफबेन चोचका मांडे, डीचके मापोएचबा पेनो अगर जेकाभी पवित्र आत्मा गा खिलाफबेन चोचकाभी मांडेवा, मेटे डीचके मापोए बाने।

म्या सिन्ज हेजा फल टे चिनाऊवा

(लूका 6:43-45)

33“अगर म्या सिंज अच्छा होय मेटे डेगा फल अच्छा होंगा। अगर म्या सिंज खराबो होय, मेटे डेगा फल भी खराबो होंगा। चोयाकी सिंज फल टेका चीनायेवा होय। 34आपे जेहर बिंज गा कोणकुटे रोंगो मेना। आपे बुरा मेंटो टोनोगो अच्छा बातो मंडीवा मेना? चोयाकी जो मनेन भेट्टिके होय डीका चभुन हेजेवा होय।

35म्या भला कोरो हेजाका भला मन गा खजाना टे भला बातो मंडीवा होय, एठा म्या बुरा कोरो मन खजना टे बुरा बातो मंडीवा होय। 36इनिघल्जी इंज आपेटे मंडीवा मेना, कि जो-जो बिना कामय बातो कोरो मंडेबा, न्याय गा दिन हारेक बातो गा हिसाब जेबा। 37परमेश्वर न्याय डाएवा एठा हार म्याखोम के दियागा द्वारा मंडीके बातो गा वोजीटे दोषी एठा निर्दोष ठहरातिंजूबा।”

यीशु टे निशान आसिवे

(मरकुस 8:11-12; लूका 11:29-32)

38एने घल्जी चोटो मूसा गा नियम इथूमिठाच एठा फरीसि कुरकू गा यीशु टे बिनती डाटे मंडीके, “हे गुरु, आले अमाटे म्या अचाम्बो कामय गा चिन्हा दोडो चहातावा होय।” 39यीशु नी दिकुके जवाब जीके कि इनी युग गा बुरा एठा आनोवा कुरकू अचम्बो कामय गा चिन्हा घागटावा होय, पेनो योना परमेश्वर गा कोनेटे मंडीमिठाच गा सेंग्गोन जो डाएन डा, डी अचम्बो कामय गा चिन्हा आरागे एठा तुनिका चिन्हा दिकुके बान जिऊ।

40डेनोगो योना परमेश्वर कोंटे मंडीमिठाच आफाई दिन आफाई रातो खाट काकू गा लाजेन नी थंदळके, डेनोगोका इंज जो कोरो गा कोण मेना आफाई दिन आफाई रातो ओटे गा तलान थंदळवा। 41नीनवे शहर गा कुरकू न्याय गा दिन इनी युग गा कुरकू गा सेंग्गोन टेंगेनटे दिकुके दोषी ठहरातिंज्कुबा, चोयाकी दिकुनी योना गा अच्छा खाबोर आजुमटे मन बदलाके, एठा येटेन देटेन होय जो योना टे खाट मेना येठाभी आपे पश्चताप दडा टे बान मेंबा। 42दक्षिण गा रानी न्याय गा दिन इनी युग गा कुरकू गा सेंग्गोन बिटबा डो दिकुके दोषी ठहरातिंज्कुबा चोयाकी देटेन सुलैमान गा ज्ञान आजोम घल्जी पृथ्वी गा खाट लेंक्कीटे हेके, भेबाव लेंक्कीटे हेन एठा डोगे येटेन देटेन होय, एठा येटेन देटेन होय जो सुलैमान राजाटे खाट मेना येठाभी आपे पश्चताप दडा टे बान मेंबा।

बुरा आत्मा के उरा घागटा

(लूका 11:24-26)

43“मेटे भूतोके मुके कोरो टे ओटबा होय, मेटे ळोखोळ जगान आराम्बो आखाट-इखाटबा पेनो दिजेन जगा बान घाटाऊ। 44मेटे हेजा हेज्केका मंडीवा होय, कि जो कोरो टे इंज हेन मेना दिजेनका हिराबा, एठा हेजेवा डो डी कोरो जीवन के सपा-सूत्र उरा गा रोंगो घाटाएवा। 45मेटे भूतो सेनेवा डो हेजाटे एठा बुरा सात भूतोकुके हेजा सेंग्गोन साकुवा होय, एठा डी कोरोन मुटे थंदळवा होय, एठा डी कोरो गा दशा पेला टे भी बुरा आरुवा होय, इनी युग बुरा कुरकू गेल्ला येनोगो गा डाऊवा।”

यीशु गा सच्चो खटला

(मरकुस 3:31-35; लूका 8:19-21)

46जब देटेन कुरकू गर्दी टे बातोका लक्के डा मेटे दियागा आंटे एठा सनी बोकोटे बल्लान टेंगेनके डा। एठा दियाटे बातो डा। 47जेकानी डीचके मंडीके, “डोगे, अमागा आंटे एठा आपेगा सनी बोको आमके बल्लान टेंगेनके होय। एठा दियाटे बातो डा।” 48येटेन बान आजोम मिठाच के भी जवाब जीके, इंजा आंटे एठा इंजा सनी बोको जे होय? 49एठा हेजे चेलाकू कोनेन हेजे टी बाळातिंजटे मंडीके, “डोगे, इंजा आंटे एठा इंजा सनी डाई इनिज होय।, 50चोयाकी जो जेकाभी इंजा स्वर्ग बाटे गा इच्छा लिंजेन सेंद्रवा, डीचका इंजा सनी बोको एठा बोकोजाई एठा आंटे होय।”

Tans Gekies:

मत्ती 12: GOKNT

Kleurmerk

Deel

Kopieer