Met 36
36
Esô a *nda bôte jé
(Met 26:34-35; 28:8-9; Dt 2:4-5; 1 Minkte 1:35-54)
1Mvoñe bôt Esô nye a ne Edom nje nyô: 2Esô a nga lu'u bengone ya Kanaan: Ada, ngon Elôn, mone Hitit; Ohôlibama, ngone Ana, ngone Sibéôn, mone Hévieñ; 3a Basmat, ngone Ismaél, kale Nebayôt. 4Ada a nga biaé Esô, Elifaz; Basmat a nga biaé Reuél; 5a Ohôlibama a nga biaé Yeuk, Yaélam a Kôra. Bobefam b'Esô be nga bialé nye Kanaan e mbe le. 6Esô a nga nyoñe binga bé, bobefame bé a bobebinga bé, bôte bese ya *nda jé, mimbame biyeme mié, mimbame mié mise a akum ese a nga bi e Kanaan, a a nga ke si fe, ôyab a monyañe wé Yakob. 7Amu akume dap e mbe étua abui avale ya na be nji bo ngule ya tabe vôme wua, a e si be nga tabe é mbe tyôtyoé amu mimbame biyeme miap. 8Esô a nga tabe e nkôle Séyir. Esô nye a ne Edom.
9Mvoñe bôt Esô, ésaa Edom, e minkôle mi Séyir. 10Biyôlé bi bobefam b'Esô: Elifaz, mon Ada, minga Esô; Reuél, mone Bismat, minga Esô. 11Bone b'Elifaz be mbe na: Téman, Omar, Séfô, Gaétam a Kenaz. 12Timna a mbe minga Elifaz a mbe te nya nlu'an, mon Esô; a nga biaé Elifaz Amalék. Bone be Ada, minga Esô le. 13Bone be Reuél: Nahat, Zéra, Sama a Miza. Bone be Bismat le minga Esô. 14Bone be Ohôlibama, ngone Ana, ngone Sibéôn, minga Esô; a nga biaé Esô: Yeuk, Yaélam, a Kôra.
15Bivete bi bone b'Esô. Mfa'a bone b'Elifaz, ntôle mon Esô: Evete Téman, évet Omar, évete Séfô, évete Kenaz, 16évete Kôra, évete Gaétam, évet Amalék. Bivete bi Elifaz e sii Edom, mbie le, be too bone b'Ada. 17Mfa'a bone be Reuél, mon Esô: Evete Nahat, évete Zéra, évete Sama, évet Miza. Bivete ya be Reuél mbie le, e sii Edom. Bone be Bismat, minga Esô. 18Ba ba so be Ohôlibama, minga Esô: Evete Yeuk, évete Yaélam, évete Kôra. Bivete bia so be Oholibama, ngone Ana, minga Esô mbie le. 19Bone b'Esô a bivete biabe le. Esô nye a n'Edom.
20Bone be Séyir, mon Orieñ, minnôme betabe ya si éte: Lôtan, Kôbal, Sibéôn, Ana. 21Disôn, Etsér a Dikan. Bivete be Arieñ, bone be Séyir, e sii Edom mbie le. 22Bone be Lôtan be mbe: Hôri a Hémam. Kale Lôtan é mbe Timna. 23Bone be Kôbal: Alvan, Manahat, Ebal, Sefô a Onam. 24Bone be Sibéôn: Ava a Ana. Ana ate a nga koone menjeñe mendim me ne ayôñ e *nkôte si, éyoñ a mbe a ba'ale'e bijakase bi Sibéôn ésaa wé. 25Bone b'Ana: Disôn a Ohôlibama, ngone Ana. 26Bone be Dikan: Hemdan, Ekban, Yitrañ a Kerañ. 27Bone be Etsér: Bilhan, Zaavan a Akan. 28Bone be Dikan: Uts a Aran. 29Bivete Behorieñ: Evete Lôtan, évete Kôbal, évete Sibéôn, évet Ana, 30évete Disôn, évet Etsér, évete Dikan. Bivete Behorieñ, bivete biap e sii Séyir mbie le.
31Bejô bôt be nga jôô e si Edom, te na bejôô be jôô bone b'Israél: 32Béla, mone Béor, a nga jôô Edom, a jôé tisone jé e mbe Dinhaba. 33Béla a nga wu, a Yôbab, mone Zéra ya Bôtsra, a nga jôô éjiane jé. 34Yôbab a nga wu a Hukam ya sii Betémanit a nga jôô éjiane jé. 35Hukam a nga wu a Hadad, mone Bedad, a nga jôô éjiane jé. Nye a nga lôñe Madian e mefane ya Môab. Jôé tisone jé é mbe Avit. 36Hadad a nga wu a Samla ya Masréka a nga jôô éjiane jé. 37Samla a nga wu a Saül ya Rehôbôt, beta ôsôé, a nga jôô éjiane jé. 38Saül a nga wu a Baal-Hanan, mone Akbor a nga jôô éjiane jé. 39Baal-Hanan e mone Akbor, a nga wu a Hadar a nga jôô éjiane jé. Jôé tisone jé é mbe Pau, a jôé minga wé é mbe Méhétabél, ngone Matréd, ngone Mézahab.
40Môé bivete bi Esô, ane mebume map me né, ane bifuse mesi biap bi né, a ane môé map me né: Evete Timna, évete Alva, évete Yetét, 41évet Ohôlibama, évet Ela, évet Pinôn. 42Evet Kenaz, évet Téman, évet Mibsar, 43évete Migdiél, évet Iram. Bivete bi Edom ane bitaba'a biap bi né, e si be nga bili, mbie le. Esô, émvam Edome le.
Tans Gekies:
Met 36: BDCB
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Bible en langue Bulu © L'Alliance Biblique du Cameroun, 2007, 2015.
