Marko 11
11
Jesu a ngu bela Jerusalema na gu kulungedwa
(Matewu 21:1-11; Luka 19:28-40; Johane 12:12-19)
1Na va gu vbweta gu vboha Jerusalema, vari vbafuvbi ni Bhetifage ni Bhetaniya, gigomoni nya Miolivha, Jesu a di ruma vapizane vaye vavili, khuye: 2“Indrani mitalalani mule, mu yi wonago, mu naya mana giburwana na gi hungidwe egi gi si gu khiledwigo khu muthu. Gi tshuleni mu nyi resela. 3Mwa gu wudziswa pwani khu ginani mu girago isoso? Indrani khenu khu Pfhumu a gi vbwetago, hi na gi resa gambe khu guvbiredza.”
4Khavbo avbo, na va hongode, va diya mana giburwana na gi hungidwe nyangwani, vbafuvbi ni mwanya khu vbavbandze nya libhiyo, va gi tshula. 5Avo va nga bani va romo vbale va di khavo: “Ginani mu girago? Mwa gu gi tshulela ginani giburwana gyogyo?” 6Avo va di hakha kha nga edzi Jesu a nga va embela khidzo. Va di va diga va hongola nagyo. 7Na va vbohide nagyo, va di ladza dzingandzu dzawe vbatshani nya giburwana, Jesu a gu khilela. 8Nya vangi va di ladza dzingandzu dzawe ndzilani gasi vambe va di fanya matamo nya misimbo va ladzela ndzilani. 9#Wona gambe: Dzind 118:25-26. Ava va nga bani va thangide ni ava va nga bani va tshade khu hwane gwaye, vatshavbo va di kulungela khavo “Hosana; a na rungudzwe oyu atago khu lina la Pfhumu. 10Wu na rungudzwe wufumu wa babe wathu Dhavhidhe wu vbohago. Hosana vbatshani Ndzadzini!”
11Jesu, na vbohide Jerusalema a di bela Nyumbani ga Nungungulu; na wonide satshavbo si nga bani si romo mule, khu gu wona gukhuye lidambo li hwide, a di hongola Bhetaniya ni vale nya likhumi na vavili.
Ngure nyambana mihandro
(Matewu 21:18-19)
12Khu mindru gakone, na va gu duga khu Bhetaniya, a dipwa ndzala. 13Na wonide khu hwindzo ngure na wu tade khu mahagane, a di hidzimela khuye mwendro a na mana dzikhure, aholu a diya mana basi mahagane, kholu khandri a di siri nango nya dzikhure. 14Khavbo avbo, Jesu a di embela ngure, khuye: “Gu khugela muhuno mwalo a na hodzago gambe mihandro yago.” Vapizane va dipwa magana yaya.
Jesu a ngu agisa Nyumba ya Nungungulu
(Matewu 21:12-17; Luka 19:45-48; Johane 2:13-22)
15Na va vbohide Jerusalema, a di bela Nyumbani ga Nungungulu a phela gu tutumisa varengisi ni varengi, a thesela dzimeza dza va nya wugwewo nya dzitsapawu ni sikhalo sa vale va nga bani va gu rengisa matuva. 16Kha nga dzumedzisa muthu gu tsemakanya Nyumba ya Nungungulu na rwade gilogyo. 17#Wona gambe: Isa 56:7; Jer 7:11. A di va hevbudza, khuye: Kha ga lowa gupwani: “Nyumba yangu yi na ranwa khu mayigo yatshavbo gupwani nyumba nya milombelo, gani? Gasi enu mu yi giride liphala nya dzimbafa.”
18Vakhongolo nya vaphasi nya mhamba ni vahevbudzi nya Nayo, na va pwide esi, va di vbweta mano nya gu mu songe; aholu va di mu thava kholu vathu vatshavbo va di gu samala sihevbudzo saye. 19Aholu, na li hwide, va di duga dhoropani.
Gihevbudzo nya ngure nya gubange
(Matewu 21:20-22)
20Ni dzimindru, na va gu vbindra khu ndzila, va di wona ngure wule na wu bangide ni mikhamba yaye. 21Pedro a di dundruga, a mu embela, khuye: “Muhevbudzi, nga wona ngure u nga wu vala, wu bangide.” 22Jesu a di va hakha, khuye: “Khodwani ga Nungungulu. 23#Wona gambe: Mat 17:20; 1 Kor 13:2. Kholu Khu lisine nyi ngu mi embelani gukheni, muthu a gu embela gigomo gegi khuye siguga khavba uya thegela phwani, na si kanakani monyoni gwaye, aholu a khodwa gukhuye esi a ganelago si na girega, khu lisine furi si na girega kharalo. 24Khu magirelo yoyo, nyi ngu mi embelani gukheni satshavbo esi mu lombago umo nya nombelo wanu, khodwani gukhenu mu na si mana. 25Mwa gu vbweta gu gira nombelo wanu, mwa gu bani na mu hoselane, phelani khu gu tsetselela ava va gu ni sihoso gwanu, gasi Babe wanu a guromo Ndzadzini a mi tsetselelani nenu sihoso sanu. 26#Wona gambe: Mat 6:14-15. [Kholu mwa gumba tsetselelana, Babe wanu nuye a guromo Ndzadzini kha na mi tsetselelani nenu sihoso sanu.”]
Tshivba ya Jesu
(Matewu 21:23-27; Luka 20:1-8)
27Khavbo avbo, va di bwelela Jerusalema, Jesu a di gu gimbilagimbila Nyumbani ga Nungungulu, va di hidzimela vbafuvbi gwaye vakhongolo nya vaphasi nya mhamba, ni vahevbudzi nya Nayo ni madhota, 28va mu wudzisa, khavo: “Wa gu yi mana hayi tshivba nya gugire esi? Khu mani a nga gu ninga tshivba yoyo?” 29Aholu Jesu a di va hakha, khuye: “Eni neni nyi na ni giwudziso gwanu. Mwa gu nyi hakhani nyi na mi embela neni umo yi dugelago umo tshivba nyi girago khiyo silo sesi. 30Ina gubhapatisa ga Johane gu diri ga Ndzadzini, mwendro gu diri ga vathu? Nyi ningeni phindrulo.”
31Va di phela gu ganedzisana khu gyawe, khavo: “Ha gukhethu gu diri ga Ndzadzini, a na khuye khu ginani mu ngamba khodwa khugo? 32Aholu ha gukhethu gu diri ga vathu, hi na wugedwa khu vathu, kholu vatshavbo va di gu wona Johane kha nga muprofeti nya guvbelele.” 33Va di hegisa khu gukhavo: “Ahati.” Khavbo avbo, Jesu a di khuye: “Eni neni Kha nyi mi embelini omu nyi yi manago tshivba nya gugire esi.”
Tans Gekies:
Marko 11: BGG2014
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
Gitonga DC Bible © Bible Society in Mozambique, 2014.
