OBUCHACHILO 13
13
Aburamu nende Loti bahukhana
1Kho Aburamu narula Misiri natikulukha natsia Negebu halala nende omukhasiwe, Loti nende emianduchie chiosi.
2Mutsinyanga etsio, Aburamu yali omuyinda muno. Ne khandi yali nemiruko chietsing'ombe, amakondi, tsimbusi halala nende ifeetsa neitsahabu. 3Mana natsiililila noluchendo okhurula Negebu okhuula Betseli, ewa yali niyasimiishe ikambiye olwambeli, hakari wa Betseli nende Ai. 4Mana namwinamila OMWAMI Nyasaye, aha yali niyombakha eshimalilo eshiemisango olwambeli.
5Loti yesi yali nende emiandu chiamakondi, tsimbusi, tsing'ombe nende abeinzuye namaheemake. 6Khulweshio, olwayilo olwo niluba oluleemu, olwa boosi, Aburamu nende Loti balanyala okhumenyamwo halala tawe, shichila bali nende emiruko eminji. 7Ne obusoolo bwamala bubeho hakari wabaayi bemiruko chia Aburamu nende abemiruko chia Loti. Mutsinyanga etsio, Abakanani nende Abaperisi bali nibamenya mushialo eshio.
8Mana Aburamu naboolela Loti ari, “Isie ninawe khuli abekho, ne shinobulayi abaayi bemiruko chianje nende abemirukochio basoolanenje tawe. 9Khulweshio chenda khukabukhane. Henga omukunda okuli imbeliwo okwo kwosi! Mana wawule, noba niwenya okhutsia khumukhono mukhasi, nasi ndalatsia khumukhono musaatsa. Ne noba notsia khumukhono musaatsa, nasi ndalatsia khumukhono mukhasi.”
10 #
Obucha. 2:10
Mana Loti nachinguula tsimonitsie nahenga tsimbeka tsiosi, ne nalola mbu, libanda lia Yorodani okhuula Zoari liali namaatsi amanji shinga omukunda kwa Edeni, okwa OMWAMI Nyasaye, khandi shinga omukunda kwa Misiri (Kano kekholekha olwa OMWAMI Nyasaye yali nashili okhumulula amatookho ka Sodomu nende Gomora). 11Mana Loti niyeyahulila libanda lia Yorodani liosi, ne nahuuya natsia ebukwe. Nolwa babili abo bakabukhana bario. 12Aburamu yatong'a namenya mumukunda kwa Kanani, ne Loti naye namenya mumatookho komwibanda, ne nasitia liheemalie okhuula ahambi nende litookho lia Sodomu. 13Nabo abandu ba Sodomu bali abamayanu khandi abonooni imbeli ewa OMWAMI Nyasaye.
Aburamu yahuyila Heburoni
14Olunyuma lwokhukabukhana khwa Loti nende Aburamu, OMWAMI Nyasaye yaboolela Aburamu ari, “Chinguula tsimonitsio mana ohenje tsimbeka tsiosi okhurula aha oli yaho, emasaba, emulambo, ebukwe nende mumbo. 15#Ebikh. 7:5Eshialo shiololanga eshio, ndalakhuhelesia iwe nende abolwibulolwo. Shilaba eshienywe emiyika chiosi. 16Ndalakhola olwibulolwo lube olunji khushialo shinga omuyeshe, olulanyala okhubasibwa tawe. 17Buukha olambuule oburambi nende obuchiikha bwomukunda tsana okhuba ndalakhuhelesia kwosi.”
18Khulweshio, Aburamu yahuuyia liheemalie ne natsia okhumenya ahambi nende emiruba chia Mamure, echiali Heburoni ne niyombashilaho OMWAMI Nyasaye eshimalilo shiemisango.
Tans Gekies:
OBUCHACHILO 13: OLUDC
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
