OKHURULA 1
1
Abaisiraeli basandibwa mushialo shia Misiri
1 #
Obucha. 46:8-27
Abaana ba Yakobo, abetsa okhumenya mushialo shia Misiri nende sabwe, buli mundu nende abeinzuye bali 2Rubeni, Simeoni, Lawi nende Yuda, 3Isakari, Zebuluni nende Banjamini, 4Dani nende Nafutali, Gadi nende Asheri. 5Abandu bolwibulo lwa Yakobo boosi bali amakhumi musaafu. Nebutswa Yosefu yali nali mushialo shia Misiri.#1:5 Amahandiko kandi kakhale kaboola mbu, bali abandu amakhumi musaafu nende barano. 6Mana Yosefu nafwa khandi abasiani babwe boosi nibafwa nibalekha tsinzibulo tsiabwe inyuma. 7#Ebikh. 7:17Nebutswa abolwibulo lwa Yakobo beebulana nibaba abandu abanji muno. Bemeeta nibekhola abamaani muno. Bali abanji mana nibetsula mushialo shia Misiri shiosi.
8 #
Ebikh. 7:18
Ne omuruchi omuyiakha yetsa khuburuchi mushialo shia Misiri, oulaali niyamanya Yosefu tawe. 9Mana omuruchi oyo naboolela abandube ari, “Abandu ba Isiraeli bano nabanji muno, khandi bakhulile mana bali namaani amanji okhushila ifwe. 10#Ebikh. 7:19Chende khubasandie, bakhetsukhana baba abanji, ne lihe niliba nilichaaka mwifwe, banyala okhungaana nende abasuku befwe ne nibakhuseera nende okhukhupana ninefwe nolunyuma nibelukha okhurula mushialo shiefwe.”
11Khulweshio, abandu ba Misiri bemekha abasinjilili okhusinjilila abandu ba Isiraeli nibabanichililsia okhukhola emilimo emisiro. Khandi Abaisiraeli bombashila omuruchi wa Misiri litookho likhongo lia Pitsomu nende elia Ramesesi akalinjimwo ebiavchi biomuruchi. 12Nebutswa shinga olwa abandu ba Misiri basandia Abaisiraeli muno, nolwa nabo Abaisiraeli bebulana muno nibasalaana mushialo shia Misiri shiosi. Kho aba ndu ba Misiri nibaria Abaisiraeli muno. 13Mana abandu ba Misiri nibanichilisia abandu ba Isiraeli okhukhola emilimo emisiro muno. 14Khandi nibakhola obulamu bwabwe okhuba bwobunyakhani obubi muno khulwa emilimo emisiro mushiswalilo shiokhukaasia amatofari, nende okhukhosibwa emilimo chietsimbia tsiosi mumukunda. Mumilimo chiabwe chiosi, abasinjilili banichilisia Abaisiraeli nibabakhosia emilimo namaani, khandi shibabalolelakhwo tsimbabasi tawe.
15Mana omuruchi wa Misiri naboolela Shifura nende Puha, abakhasi bebusinjia abakhasi Abaheburania ari, 16“Olwa muba nimwibusia abakhasi Abaheburania, nimulola nibebula abaana abasiani okhuula mwire abaana abasiani abo. Nebutswa nibebula abaana abakhaana, muleshe abaana abo babeho mwoyo.” 17Nebutswa abakhasi bebusinjia abo baria Nyasaye ne nibalakhola shinga lwomuruchi wa Misiri yali nabalachile okhukhola ta, habula balekha abaana abasiani nibabaho mwoyo. 18Kho omuruchi wa Misiri nalanga abakhasi bebusinjia abo ne nabareeba ari, “Mbushiina nimulekha abaana abasiani ba Abaisiraeli okhubaho mwoyo?”
19Nabo abakhasi bebusinjia abo nibamukalusia bari, “Abakhasi Abaheburania shibali shinga abakhasi ba Misiri ta, okhuba bayungubala khandi bebulanga bwangu nikhushili okhuboolakhwo.” 20Kho Nyasaye nakoosia abakhasi bebusinjia abo, ne nibebula abaana abanji. 21Mana Abaisiraeli nibebulana muno khandi nibaba abamaani amanji muno. 22#Ebikh. 7:19Olunyuma omuruchi wa Misiri nalachilisia abandube boosi ari, “Buli mwana omusiani, owibulwa munzu ya Abaheburania okhuula mumusukune mumwalo kwa Naili, ne muleshe abaana abakhaana babeho mwoyo.”
Tans Gekies:
OKHURULA 1: OLUDC
Kleurmerk
Deel
Kopieer
Wil jy jou kleurmerke oor al jou toestelle gestoor hê? Teken in of teken aan
