Gewilde Bybelverse vanaf Mateo 21

Deel

Xa nak ta ja necꞌutuj pan oración wi yukul ecꞌuꞌx ruqꞌuin ja Dios chi rcꞌutuxic jariꞌ nyataj chewe, xecheꞌxi rmal ja Jesús.

—Ni katzij wiꞌ ja xtinbij chewe riꞌ, ja wi cꞌo yukulbal ecꞌuꞌx ruqꞌuin ja Dios in wi matuban caꞌiꞌ acꞌuꞌx jariꞌ nixcowini neban ixix ja caniꞌ xinban anin tre ja cheꞌ riꞌ. In ma ruyon tariꞌ pro nixcowini chakajaꞌ nebij trelaꞌ ja jun jayuꞌ leꞌ chi neli, nerqꞌuiakaꞌ riꞌ pa yaꞌ in nbe, nixrnimaj.

Ja cꞌa re nabeyal chwach e cachbil ja retran trij ejeꞌeꞌ congana nquerak quechiꞌ in quewaꞌ nquibij riꞌ: —Dios, koꞌatoꞌoꞌ camic, peti ja Ralcꞌwal can ja rojer rey David, arjaꞌ bendecido amwal, arjaꞌ ja Cristo ja penak pan abiꞌ atat ja rat kajaw Dios. Koꞌatoꞌoꞌ camic Dios ja ratcꞌo chilaꞌ chicaj. Queriꞌ ja nquibij.

In xbij chique: —Ja rtzobal Dios quewaꞌ tzꞌibtal chipan riꞌ: —Ja wochoch anin jariꞌ banbal oración, neꞌe ja Dios tre ja rtemplo pro ja rebanon ixix tre xa jun lugar ja bar neqꞌuejeꞌ wiꞌ alakꞌomaꞌ, neꞌe ja Jesús chique.

—Ja winak ja recꞌo chipan ja tinamit Sión quewaꞌ tebij chique riꞌ: —Tetzꞌataꞌ mpeꞌ leꞌ, peti ja Rey ewxin, arjaꞌ matuyaꞌ rukꞌij, xa trij jun ti bur tzꞌubulto wiꞌ. Ja ti bur cꞌa ti coꞌl na, ral jun bur banol ijkaꞌm, catcheꞌ chique. Queriꞌ bitajnak can rmal ja profeta.

Ja cꞌa Jesús arjaꞌ xbij chic chique: —¿La mta cꞌa jutij esiqꞌuin chipan ja rtzobal Dios jawaꞌ jun tzij riꞌ? —Ja banol jay cꞌo jun abaj ja mta quigana ruqꞌuin in quechꞌaꞌ pro jariꞌ abaj cojon chic chi rbanic ja jay, arjaꞌ ja más nim rukꞌij como arjaꞌ nchapowi ja resquinaꞌil. Jariꞌ samaj kajaw Dios banowi in kas ncꞌascꞌoꞌi nkatzꞌat, neꞌe.

Rmalcꞌariꞌ anin nbij chewe, ja gobierno xin Dios nlasax na pan ekꞌaꞌ ixix in nco̱j chic pa quekꞌaꞌ jun chic tinamit ja cotak nquisamajij utzcꞌa chi cꞌoli ja rutzil xin Dios nuyaꞌ.