Gewilde Bybelverse vanaf Jɔn 6

Deel

Yezu ma ta-ba o we, “Amo mo ye wodiu kolo na pae nɔɔna ŋwea Wɛ tei ne to. Wolo maama ná sɛ se o ba amo tei, kana daa bá ja konto tu. Wolo maama ná ke o wo-dedoa de amo, na-nyɔm daa bá ja kotu.

Ko ye Wɛ Sin-laao kom mo pae nɔɔna ŋwea o tei ne. Ko daare nabiina dam bá wane kolokolo de ke. Amo na tage taane delo de abam to bere Wɛ na wó fɔge nabiina bochara de o ŋwe-doŋa kam tei to.

Abam nam yé ta‑á toŋa á lage wodiu kolo na wó ba ko pɔ to yerane. Ko daare, ta‑á ke kolo na wó pa á na ŋwea kalo na ba jege kweelim Wɛ tei ne to. Amo wolo na ye Nabiin-bu wom to wó pa á na wodiu konto dwoŋi, kolo ŋwaane a Kwo Wɛ mo tiŋi-ne se a taa toŋa a pa‑o.”

Amo Kwo Wɛ boboŋa lage se wolo maama ná jege teena o Bu wom tei ne ye o ke o wo-dedoa ded‑o, se konto tu na ŋwea kalo na ba jege kweelim o tei ne to. Amo wó seene a bi konto tu logo baŋa kweelim dɛ dem ne pa se o na Wɛ ŋwe-doŋa kam konto.”

O ma leiri-ba o we, “Totoŋe delo na jege kuri Wɛ tei ne to mo tento: O lage se á sɛ wolo wom o na toŋe to mo.”

Ko daare wolo maama amo Kwo Wɛ na ke amo jeŋa ne to wó ba a tei. Wolo maama nam ná tu amo tei, a bá fɔge a zeili kotu.

Simon Piita ma leiri‑o o we, “Amo tu, se dé laam vo wɔ tei? Nmo mo ŋɔɔne taane delo na pae nɔɔna ŋwea Wɛ tei ne to.

Amo ye wodiu kolo na nwoŋi Wɛ telaao ne ye ko jege jworo ko pae nabiina to. Wolo maama na di wodiu kom konto to wó na ŋwea Wɛ tei ne se ko taa vei wuu. Wodiu kolo amo na wó kwei a pa nɔɔna to ye a ya-nɔna mo, se ko pa nabiina taa jege ŋwea Wɛ tei ne.”

Nɔɔn-nɔɔno bá wane o ba amo tei, ye ko dae we amo Kwo Wɛ mo wó vaŋe konto tu jeŋa se o ba amo tei. Amo wó bi konto tu logo baŋa kweelim dɛ dem ne.

Wɛ wodiu kom ye kolo na nwoŋi telaao ne ye ko tu logo baŋa ko pae nabiina ŋwea Wɛ tei ne to.”

Amo ye wodiu kolo na pae nɔɔna ŋwea Wɛ tei ne to.

Yezu ma kwei bworobworo-balɛ sem ye o ke Wɛ lei. O ma daare o maŋe-te o pa nɔɔna bam na jei tega ne to. O ma ke ywona yam de konto dwoŋi. Nɔɔna bam maama ma di ne ba na lage tei to. Ba ma di ba su ba daare. Yezu ma ta de o tɔgena bam o we, “Véi-na á twɛ mumuga kalo na daare to, se á yé pa dé yage kolokolo.”

Yezu tɔgena bam ma yuŋi nabworo kom ba vo ba yi nenɛɛne mɛɛla yatɔ. Ba laam ma na Yezu na vei na bam baŋa ne o maa beene ba tei. Foone ma zo-ba. Yezu ma ta-ba o we, “Yé ta‑á kɔre-na foone, se ko ye amo mo.”