Gewilde Bybelverse vanaf Kejadian 32

Deel

Upepupa, malaikatdi Yakub tep pepu. “Ukutaru ukupu si karepkukene. Ataru di dipra doryankamre taruda, kan si tep ‘Israel,’ penkamkenge. Deiyoda, kandi Allah cap, yuk neng cap tep, pio pe deipra piripetenmarumdi, konum bisbisa kapmaruma tep, kan ukupu sida ‘Israel’ karepmakena cadi, dorkunkamre taruda, asipu penkamkenge,” malaikatdi Yakub tep pepu.

Sun butene di pio talepnurup pepdanmareipane, bereng yan tara kepupa, lukunda neitamai yanmau malaikatdi, Yakub tep upepu. “Ukuda tapra yapneo. Kandi ne talepmanerem ngeda tapnemempa, benkune,” pepra moropu. Upepra moropupane, Yakubdi angebo tep tamupra pepu. “Gume, ‘Allahdi melipkamemer’ tenen, telep upu pepra men deipnememnyopda, men tapkukene,” pepu.

Anesala yuma me ortara goupra konum bendopmai dinin, Yakub er yuk er tenpupu akunmau. Er yuk kunmaupa, tenpu ngebo ton yanmau. Yakub mapmau taruda, malaikat tenpu ton, Yakub er damai yaudi, er nong yana talepdongpu. Yakub tep puto di talepmaupa, sun butene di, talepnurup pepdarei. Apio ukupdanmareipane, bereng yan tara kepu.

Malaikatdi, Yakub tep, telep upu pepra deipka tep, Yakubdi amutu si tep, ‘Peniel,’ pepra deipu. Tonda aupu pepu. Amutu si tep, ‘Peniel,’ pepmana deiyoda, ake. Ada, ne nai bo Allah er urasin mening damai epmanu dinin, men poptapneua cadi, amutu si ‘Peniel,’ pepra deipne.

Ayanmau malaikatdi, ‘E, Yakubda bisbisa men kaptene’ tenen, kael kepmaudi, Yakub er kail yo, yo dimdongonai talepmaupa, kotoktapupa, pu weik jepu.

Upepupa, amalaikatdi asipetepu. “Kan si dano,” pepra asipetepupa, “Ne sida Yakub,” pepu.

Upepupa, Yakubdi amalaikat tep asipetepu. “Kao, kan si ton lap pepnerume,” pepra moropu. Moropu dinin, amalaikatdi, “Gume, kanda ware deiyo keca tep, ne si asipetepnerume. Men pepkukene,” pepu. Upepudi, ‘Amenda dorkunkamre taru yuma, Allahdi Yakub tep telep kudinkamre’ tenen, Yakub deiki telep upu pepra deipu.

Naio, neda mambul gum, mali ngebopu kununa cadi, kandi bicau teneramnemumdi, weika di meliamnerumnge cap, tonda kandi, ‘Ukupkamkene,’ peipnemumtopu tamna gum, pio tupa pel melipra donerumnge capda, men doproptene dinin, talipu karenerume. Menop taru ame goupra ortara mutu benamsi taruda, ne macapu taleamsi dinin, ukutaruda akeca-keca weik kwapmanerpa, bokra gung butene kepra deipmane.

Atep nengeda, Yakubdi deipupa, dadeipdanen barameng nesala yuma, sun Israel nesala yumadi gam keca popmengedi, galupra jerameng taruda, kail yo dam kurur melmelda pio men jenunge. Deiyoda, amalaikatdi, Yakub er kail yo, yo dimdongonai talepmaupa, kotoktapupa, pu weik jepka tep, pumun taru di dipra ataru neitamai yuma cap, ukutaru peda, Israel nesaladi domba do, kambing do, ware gam kure keca do, popmengedi galupra jenge taruda, kail yo dam kure melmel pio men jenunge.

Utenepudi, ‘Allah melipnetu’ tenen, Allah tep moropu. Erdi moropu upuda ake. “Uo, ne nai Allaho, ne apu yapu Abraham cap, Isak cap, kan sipu erepra gispal doramkerei Allah kureme. Naio, kanda Yahwehdi upepnemume, ‘Kan pe mutu tamupra bememnyopda, kan yala nesala cap kikiman kunkamrume. Ukupmemnyopda, nedi melimkenepa, teleppu kweipkamkene,’ peipnemume.

‘Ne du bo Esaudi yana popnerur’ tenen, tonda ‘Ne nerapu cap, sundi deiamrei nyapu cap, Esaudi poptaprur’ tenen, ne kware weik kunerure.