Gewilde Bybelverse vanaf मत्तय 7

Deel

“तुमाले जे पायजे ते देवाले मांगा अन् तो तुमाले देईन. शोधान तर तुमाले सापडेल, ठोकसान तर तुमच्यासाठी उघडल्या जाईन.

कावून कि जो कोणी मांगते त्याले मिळेल, अन् जो कोणी शोधते त्याले सापडते, अन् जो कोणी ठोकतो त्याच्यासाठी उघडले जाईन.”

“म्हणून जो कोणी माह्याली गोष्ट आयकून मानते, तो त्या बुद्धीमान माणसा सारखा हाय, ज्यानं आपल्या घराचा पाया गोट्याच्या टेकडीवर बांधला हाय.

प्रत्येक वेळी दुसऱ्या कडून जसं तुमी आपल्यासाठी चांगल्या व्यवहाराची अपेक्षा ठेवता तसचं तुमी पण त्यायच्या सोबत तसाच व्यवहार करत जा, कावून कि मोशेचे नियमशास्त्र अन् भविष्यवक्त्यायची शिकवणूक हेच हाय.”

कावून कि कठीण व रुंद हाय, तो दरवाजा जो कधी न संपनाऱ्या जीवनाकडे पोहचते, थोडेचं लोकं हायत जे त्याले प्राप्त करतात.”

“तुमी फक्त कठीण व अरुंद दरवाज्यान प्रवेश करूनच देवाच्या राज्यात जाऊ शकता, कावून कि नरकात जाणारा दरवाजा मोठा हाय, अन् तिकडे जाणारा रस्ता सरळ हाय, अन् त्यातून जाणारे लोकं लय हायत.

जर तुमी बेकार असूनहि तुमी तुमच्या लेकरायले चांगली वस्तु देता, तवा तुमच्या स्वर्गातला देवबाप आपल्या मांगणाऱ्यायले चांगली वस्तु नक्की देईन.

“दोष नका लावू, म्हणजे तुमच्यावर पण दोष लावला जाणार नाई. कावून कि ज्याप्रकारे तुमी दुसऱ्यावर दोष लावता, त्याचं प्रकारे तुमच्यावर पण दोष लावला जाईन. अन् ज्याप्रकारे तुमी दुसऱ्याचा न्याय करसान तसाच तुमचा पण न्याय केला जाईन.”

पण जो कोणी माह्याली गोष्ट आयकते पण त्यावर नाई चालत, तो त्या निर्बुद्धी माणसा सारखा हाय, ज्यानं आपलं घर रेतीवर बांधलं हाय

“तू कावून आपल्या भावाच्या लहान-लहान चुका पायतो, आपल्या सोताच्या मोठ्या-मोठ्या चुका तुले दिसत नाई काय? जवा तुह्याल्या जीवनात एवढ्या मोठ्या चुका हाय, तवा तू आपल्या भावाच्या जीवनात एवढे मोठे दोष कायले लावते, अन् म्हणते कि ये मी तुह्याल्या चुका दूर करून तुह्याली मदत करतो.

“खोट्या भविष्यवक्त्यायपासून सावध राहा, जे लांडग्या सारखे हायत, ज्यायनं सोताले मेंढरायच्या कातडीनं लपवलं हाय, लोकायले हे विश्वास द्याले कि ते मेंढरं हायत, पण ते आखरी कुर लांडगे असतात जे लोकायवर हल्ला करते. कावून ज्याप्रकारे ते जीवन जगतात त्याच्याच्यान त्यायले तुमी ओयखसान, काय लोकं झुडपा पासून अंगुर या काटेरी झाडापासून अंजीर तोडतात?

अशाचं प्रकारे हरएक चांगलं झाड, चांगलं फळ आणते, अन् बेकार झाड बेकार फळ आणते.

चांगलं झाड बेकार फळ देऊ शकत नाई, अन् बेकार झाड चांगलं फळ देऊ शकत नाई.

जे-जे झाड चांगलं फळ देत नाई ते कापलं जाईन अन् आगीत फेकल जाईन; खोट्या भविष्यवक्त्यायले पण अशाचं प्रकारे दंड देल्या जाईन.