Gewilde Bybelverse vanaf Marko 13

Deel

Mu na vengwani khu wathu vatshavbo kotani nya lina langu. Aholu oyu a na timiselago kala mahegiso a na vbanyiswa.

Dzi woneleni, khalani na mu dongide ni gu lombelela, kholu kha mu liti litshigu ambari gikhati.

Mwa gu yiswa ga vafumeli gasi guya lamudwa mu nga garadzegi khu egi mu na guya ganelago. Mu na ganela esi mu na gu embedwago khu gikhati gyogyo. Kholu, khandrenu mu na ganelago, aholu khu Liphuvbo nya Guage.

Yi na vbindra ndzadzi ni mafu, aholu magana yangu kha ma na vbindra.”

Gasi gikhati ni litshigu, mwalo a dzitigo, ambari dzingilozi dza Ndzadzini, ambari Mwamana, sa gu tidwa khu Babe basi.

Mwa gupwa huwa nya dzinyimbi ni guganedwa khu dzinyimbi ni ligwaha nya dzinyimbi mu nga thurugi; gu vbwetega si girega isoso, aholu khandri mahegiso.

Khu kharalo, khalani na mu dongide kholu kha mu giti gikhati a wuyago khigyo mune ndranga, gani silambo, gani vbakari nya wutshigu, gani vbakari nya mihani, gani mambagugya, gani dzimindrudzile; a nga wuya khu guvbiredza ata mi mana na mu lade. Esi nyi mi embelago nya gu embela vatshavbo, kheni: Khalani na mu dongide.

Kholu litigo li na wugela limbe litigo, mufumo wu wugela wumbe mufumo; malanga nya mangi gu na manega sirevareva ni ndzala. Satshavbo soso a na bani ari guphela nya sisaniso.

Aholu, guphela gu vbwetega gu enedza mayigo yatshavbo khu gutivisa Ivhangeli.

Va nata nya vangi khu lina langu, khavo: ‘Kheni Kristo.’ Va na pengisa va nya gutala.

“Dzi woneleni, kholu va na mi ningela ga valamuli, mu na ya kwamudwa Dzinyumbani nya nombelo, mu yiswa ga vamwamangulu ni vafumeli khu kotani yangu, gasi gu nyi fakazani mahoni gwawe.

Kholu va na dugelela Vakristo ni vaprofeti nya malipha. Va na gira siliwugiso nya gutale, si na dzi kodzago gu pengisa ambari sihathwa.

“Khu matshigu yoyo, hwane nya tshanisa yeyi, lidambo li na sivbala, ngima kha wu na wenengedza. Dzinyeledzi dzi na thegela khu Ndzadzini ni dzitshivba nya Ndzadzini dzi na dzudzwa.