Gewilde Bybelverse vanaf LAKSASIKE 7

Deel

Hìlìk he, ebe helep en wato kolek, at Sitepanùt a'nogo Yesùt etage palhì logolìk he, “Yesùt noe. Nareagun hat en wo'nabi me o,” ìlùk isike. Atì'nogo ìkì logolìk, eitep awì yukuk hogo hù'lagaike. Hù'larìk, ane hùkorogoat he, mel isike

“Atì'nogo meneat he, at ap Ala ane yogoisìkì lagaike mene aike nen wene mel isike: Ninopase Ala Etagepogot en he, Kain anat logolìk he, nebe nalakwe pogot obaat hùrek welagì. Nen, nesok legesogo kweang oba hìlìk welagì. Halok, hit en o nìkìnìk mene wùthanusak. An nebe set walogo re, o koma logousak akegep. Mea o. Yì mene tì mono obogat aroma, an nenat walhasigi lek nogo? ìlùk Ala nen isikomo, helal waganogo hesike atì nen, at Ala Etagepogot esin mene atì, o apùnì ineki nen wùtarek mene ba logousak he, mea o.

Atì'nogo yogoisasikomo, it manogo inane a'mìt sup ìlìk he, ineki inesako te'mek hogo, humusek apìneat oba hobotha kisukwa. Oba hobotha kìlìk, o kota nen legeta'ma hapok hogo wulaksìlìk he, helep enwasukwa. Ebe wasuogolùk he, it at ane ikenem inasuk holhukwasik, ùkùm oba hesukwawerek amanogo inasu etakwe mene nokologo re, ap elege mene etage saùlùt awe a'ma hesukwa.