Gewilde Bybelverse vanaf ଜୋହନ 3

Deel

ଇରିଙ୍ଗ୍‌ ମାପୁରୁ ଇୟା ଜଗତ୍‌ତିଙ୍ଗ୍‌ ନିସା ଜିବନ୍‌ ନତାନ୍‌ ଜେ, ୱାନ୍‌ ନିଜେଦି ଅରେନ୍‌ ମାରିନ୍‌ତିଙ୍ଗ୍‌ ସିତାନ୍‌, ଏଣ୍ତେସ୍‌ ଏନ୍‌ଆପିନ୍‌ ୱାନିମାନୁ ବିସ୍‌ବାସ୍‌ କିନାନ୍‌, ୱାନ୍‌ ନାସ୍ଟୁ ଆଏଣ୍ତା ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ପଇନାନ୍‌ ।

ମାପୁରୁ ୱାନି ମାରିନ୍‍ତିଙ୍ଗ୍‍ ଦୁନିଆଦୁ ବିସାର୍‌ କିନି ଉଣ୍ତିଙ୍ଗ୍‌ ପକ୍‍ଏନ୍‍, ମାତର୍‌ ଦୁନିଆ ଏଣ୍ତେସ୍‌ ୱାନି ମାଣାନ୍‌ ରକିୟା ଆନାତ୍‌, ଇୟାଉଣ୍ତିଙ୍ଗ୍‌ ପୋକ୍‌ତାମାନାନ୍‌ ।

ଜିସୁ ୱାନିଙ୍ଗ୍‌ ଇର୍ହାନ୍‌, “ସତ୍‌ ସତ୍‌ ନାନ୍ ନିଙ୍ଗିଁ ଇଜିନା, ମାରିଡ଼େସି ଜନମ୍‍ ଆଏତିଙ୍ଗ୍‍ ଏନ୍‌ ମାପୁରୁଦି ରାଜି ସୁଡ଼ୁଦେଙ୍ଗ୍‍ ଆଟ୍‍ଏନ୍‍ ।”

ଏନ୍‌ ମାରିନ୍‍ମାନୁ ବିସ୍‌ବାସ୍‌ କିନାନ୍‌, ୱାନ୍‌ ବିସାର୍‌ କିଆୟ୍‌ଆଏନ୍‌; ଏନ୍‌ ବିସ୍‌ବାସ୍‌ କିଏନ୍‌, ୱାନ୍‌ ବିସାର୍‌ ଆତା ୱିଜିତାନ୍‌ନି, ଇରିଙ୍ଗ୍‌ ୱାନ୍‌ ମାପୁରୁଦି ଅରେନ୍‌ ମାରିନ୍‌ତି ଦର୍‌ତାନ୍‌ ବିସ୍‌ବାସ୍‌ କିଏନ୍‌ ।

ମାରି, ଆୟା ବିସାର୍‌ ଇୟା, ଜଗତ୍‌ତଦୁ ଜାୟ୍‌ ତରିତା ମାନାତ୍‌, ମାରି ଲୋକୁ ଜାୟ୍‌ତି ବାଦୁଲୁ ସିକାଟିଦିଙ୍ଗ୍‌ ବଦା କିତାର୍‌, ଇରିଙ୍ଗ୍‌ ୱାରି ପାଣିୱିଜୁ ତାଗିଇକା ।

ୱାନିଙ୍ଗ୍‌ ଏଣ୍ତେସ୍‌ବା ପିର୍‌ଦେଙ୍ଗ୍‌ ପଡ଼ାନାତ୍‌, ମାତର୍‌ ନାଙ୍ଗିଁ ଉଣା ଆଦେଙ୍ଗ୍‌ ମାନାତ୍‌ ।

ଇରିଙ୍ଗ୍‌ ଏନ୍‌ ତାଗିଇପାଣି କିନାନ୍‌, ୱାନ୍‌ ଜାୟ୍‌ତିଙ୍ଗ୍‌ କାଡ଼୍‌ନାନ୍‌, ମାରି ଆତିଙ୍ଗ୍‌ ୱାନି ପାଣିଦି ଦୋସ୍‌ ତରାନାତ୍‌, ଇୟାଉଣ୍ତିଙ୍ଗ୍‌ ୱାନ୍‌ ଜାୟ୍‌ ଲାକ୍‌ତୁ ରେଏନ୍‌ ।

ଏନ୍‌ ମାରିନ୍‌ତିଙ୍ଗ୍‌ ବିସ୍‌ବାସ୍‌ କିନାନ୍‌, ୱାନ୍‌ ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ପଇନାନ୍‌, ମାତର୍‌ ଏନ୍‌ ମାରିନ୍‌ତିଙ୍ଗ୍‌ ଅମାନ୍ୟ କିନାନ୍, ୱାନ୍‌ ଜିବନ୍‌ ସୁଡ଼ୁଏନ୍‌, ମାରି ଆୟା ଲୋକୁ ମୁସ୍‌କୁ ମାପୁରୁଦି ରିସା ତେବାତାନ୍‌ ।

ମାରି, ମୋସା ଏଣ୍ତେସ୍‌ ସୁନ୍‌ସାନ୍‌ବାଡିଦୁ ସାରାସ୍‌ତିଙ୍ଗ୍‌ ମୁଣ୍ତାଦୁ ମୁସ୍‌କୁ ପେର୍‌ତାମାର୍ହାର୍‌, ମନୁସ୍ୟପୁତ୍ର ବା ଆୟାୱାଜା ମୁସ୍‌କୁ ପେରାନାନ୍‌

ବୁବା ମାରିନ୍‌ତିଙ୍ଗ୍‌ ଜିବନ୍‌ନୋନାନ୍‌, ମାରି ୱିଜୁ ବିସୟ୍‌ ୱାନି କିୟୁଦୁ ସର୍ପେ କିତାମାନାର୍‌ ।