Gewilde Bybelverse vanaf Epeso 6

Deel

Mabu nouri hiora sawira imo neimu ororohimo biahai. Imo ainororohi‐dumo pai nana’i neimu wia pupuo nana’i neimu wia nouri batibati durii nana pai‐oubii neimu wia piipiiha urio oubii toboro batiwa neimu.

Hiwio auwoha kirodumeaito wade taiaomo, uriomu kemabiti nana’i auwoha wia kiatodoi nana’i auwoha nei ramu. Kidia nouri taiaurimo mea. Hiwio auwoha naibaha ta’idoiaimo wia tana‐oubido taiatodutimo.

Iehova korowoto nana’i auwoha rioo tarowamitimo ina rio pupuito aiwaimotoai nou ta’uwa ubauba urioro rioido aiwaimatuhuti.

Mabu nouri rioo Iehova korowoto nana’i auwoha taimidaimo, nouri rio ubauba hiwiowa pupuito aiwaimo‐otoai ina nou ta’uwa nana auwoha rioo tau idodiaumo rioo aiwaimo‐otoai.

Wia nouri nou opuito, kiraromodio na’i, borogo aibo, taimidaimo ina rioo Diabolo kupo ramu tere auwoha aiwaimo ido’uti. Wia kiitouti na’i, korowoto douboi opui nou aibo, taraooatutimo wia Urio kiwoto garaara taimemo, nouvia Iehova waderi.

Mabu nouri tatoamo, naiheha na’i, ba’e aibo taro’utimo ba’e mabuwa, meamea kidia, bodoro korowoto na’i nou aibo, tarowamitimo. Wia pai‐mea pupuo nana rio douboi kono aibo tarovioruriomo.

Mo wade na’u nou narodai, rio Pai dubumu pupuo taitimo, nouri pupuo nou himia pupuiha na’i nouro nimamaatiro.

Ro himia abeara mamura niainiai taimahebidiomama neitido. Nouri opuito bubu kowateai wade ramu. Ina nouri mea nana romu aiwamidioi wia ro kiiro tutu aiwamidioi batibatiwa.

Mere rio mamiora abeamioraido tairovidioumo Pai‐dubumu, mabu nouri nou mea kidiari.