Gewilde Bybelverse vanaf OKHURULA 3

Deel

Naye Nyasaye nakalusia Musa ari, “Isie Nisie” khandi naboola ari, “Oboolele abandu ba Isiraeli mbu, Isie, OMWAMI Nyasaye, Nyasaye wabakuuka benywe, Nyasaye wa Aburahamu, Isaka nende Yakobo yarumile khwinywe.”

Naye Nyasaye namukalusia ari, “Isie ndalaba halala ninawe. Ne olwa olirusia abandu ba Isiraeli mushialo shia Misiri, olinzinamila khushikulu shino. Eshio nishio eshiakhabe eshilolelo okhumanyisia mbu, nisie oukhurumile.”

Mana Nyasaye naboola ari, “Shiolasita hambi ta, fwalula ebilaaro okhurula mubilenjebio, shichila habundu hosiinjiile yaho nahatakatifu.”

Mana OMWAMI Nyasaye naboola ari, “Enduutsi obunyaakhani bwabandu banje abali Misiri, khandi embuliile okhuhaba khwabwe khulwa okhunyaasibwa nabasinjilili babwe. Emanyile obunyakhani bwabwe bwosi. Ne nditsile okhubahonokosia okhurula mubunyali bwabandu ba Misiri, nende okhubarusia mushialo shia Misiri, okhubayila mushialo eshiyinda khandi eshinulu, eshia Abakanani, Abahiti, Abamori, Aperizi, Abahiwi, nende Abayebusi.

Ebweneyo, omumalaika owa OMWAMI Nyasaye yamuloleshela shinga olumemu lwomulilo, okwakha okhurula hakari weshitsakha, mana nahenga nalola eshitsakha eshio nishiakhanga omulilo, nebutswa shishiali nisiyitsanga tawe.

Bulaano itsa, ndalakhuruma khumuruchi wa Misiri kho mbu, onyale okhurusia abandu banje, abaana ba Isiraeli abo okhurula mushialo shia Misiri.”