Gewilde Bybelverse vanaf Matthew 8

Deel

Ekw Jesus kaa itaat, “Chekwaan wehchi naashch kushtaachiyekw, taapwe nuwach kaa apishaashich chitaapwehtamuwinawaau.” Ekw kaa wanishkaat kaa itashuwaatahk aniyuu e yuutiniyich chechii puunipayiyich kaye aniyuu kiskanh kaa itaat, “Chiyaamisiikw.” Tiiwehch maak chii uhchi ywaashtiniyuu.

Ekw an shimaakanishuuchimaau kaa itaat aniyuu Jesus, “Namui nitepicheyihtaakusin chechii pechi piihcheyin niwaaskaahiikanimihch. Mikw maak itweh chechii miinuwaatisiit nitaapachihaakan ekw maak che miinuwaatisiit aat ekaa takushiniyine.

Iskutak maak Jesus piyehtawaat uyuu e itweyich naashch taapwe chii miskaateyihtamihiikuu utaapwehtamuwiniyuu. Ekw kaa itaat aniyuu aweyuuh kaa wiicheukut, “Aat maak ekaa Jewa itiskaanesit uu naapeu eshkw namui nuuhchi waapamaau Jewa e itiskaanesit awen utah Israelihch chechii ishpish suuhchitaapwehtahk.

Ekw Jesus kaa itaat aniyuuh shimaakanishuuchimaauh, “Chiiwe, taan kaa ishi taapwehtaman ekun che ishi ihtuutamaakuyin.” Aniyuu maak mekwaach kaa itaat aniyuu shimaakanisha, ekut mwehch aniyuu tipahiikaniyuu kaa miinuwaatisiyich aniyuu utaapachihaakanh an shimaakanishuuchimaau.

Misiwe maak anchii naapeuch chii maamishkaateyihtamuch e itwetwaau, “Awen uu waawaach e yuutiniyich kaye maak kiskanh e pishichihiikut.”