As jy ooit die TV-program Hell’s Kitchen gesien het, weet jy dat dingein die kombuis dikwels chaoties, vol spanning en vol mislukkingkan wees. Die druk is hoog, die foute is duidelik, en dit voel asofalles uitmekaar val. Maar tussen die chaos is daar altyd ’n kans virverandering en ’n suksesvolle dis wat voorberei is. Soms draai dieeindproduk veel beter uit as wat verwag word. Die lewe is nie veelanders nie. Daar is tye wanneer ons voel ons is in hell’s kitchen –alles is in chaos gedompel, niks verloop reg nie, en ons misluk.Maar dit is juis in hierdie "mislukking" waar God sy grootste werkkan doen. Net soos wat ’n flop van ’n gereg met die regtebestanddele in die hande van ’n sjef gered kan word, kan God selfsdie moeilikste situasies in ons lewe omskep.

In die drama rondom Mordegai en Haman in Ester se storie, sien
ons hoe dinge anders kan uitdraai. In die hande van God kan selfs
die slegste situasies uiteindelik ’n goeie doel hê. Hierdie week kyk
ons na hoe God in die kombuis van ons lewe sy planne in werking
stel. Miskien is jy op ’n plek waar jy dink dat die deure gesluit is, of jy
voel jy het nie die regte “bestanddele” nie. Wees verseker: God het
altyd die vermoë om dinge om te draai. Hy gebruik selfs die
donkerste oomblikke om iets mooi te skep.

Erediensnotas
- Met watter verwagting kom ek na vandag se erediens?
- Wat het ek in die diens gehoor wat my geraak het?
- Watter nuwe perspektief het vir my oopgegaan tydens die erediens?
- Wat wil ek graag onthou vir die week wat voorlê?

Persoonlike stiltetyd

Oggend:
Lees Ester 2:19-23.
Mordegai het nie goed gedoen vir erkenning nie en sy integriteit het uiteindelik gelei tot groot veranderinge. Soms doen ons dinge wat nie dadelik erken word nie, maar God sien alles. Elke aksie wat jy vandag neem is belangrik in die groter prentjie.
Vra jouself: Hoe kan ek vandag met integriteit lewe, al sien niemand my aksies nie?

Aand:
Haman het gedink sy magte sou hom op die hoogste plek bring,
maar God het sy trots omgedraai. Soms is dit die dinge wat ons
probeer beheer.
Vra jouself: Is daar iets wat ek probeer beheer, terwyl ek dit eerder in God se hande moet plaas? Dink daaroor en skryf dit neer. Sluit jou aand af deur hieroor te bid en daardie dinge by die Here se voete te los.

Groeigroep

Ysbreker: Jou kombuis
Speel ’n vinnige speletjie of deel stories oor ’n situasie wat in die kombuis gebeur het, waar alles verkeerd geloop het, maar met ’n kreatiewe oplossing omgedraai is.

Deel met mekaar
- Wat is jou grootste kombuis-mislukking of snaakste kosongeluk wat jy ooit gehad het?
- Dink terug aan ’n tyd toe dinge vir jou verkeerd geloop het (soos vir Mordegai), maar waar later iets positiefs daaruit gekom het.
- Hoe het God daardie situasie gebruik om jou te help of jou te verander?
- As jou lewe ’n kookprogram was, watter tipe sjef dink jy sou jy wees – georganiseerd, of iemand wat eksperimenteer en foute maak? Hoekom?
- Wat beteken dit vir jou om te glo dat God selfs in die mees chaotiese tye in beheer bly? Hoe ervaar jy dit in jou lewe?

Lees, luister en gesels saam
- Lees beide tekste hardop saam.
- Laat elkeen die teksgedeeltes stil op hulle eie weer deurlees.
- Deel twee-twee met mekaar wat jy in die teks hoor, oplet, oor wonder ens.
- Deel met die groot groep wat jou gespreksgenoot in die teks gehoor het.

Vrae vir verdere gesprek:
In Ester 2:19-23 lees ons hoe Mordegai ’n komplot teen die koning ontdek en dit rapporteer, maar hy word nie dadelik daarvoor beloon nie. Wat leer hierdie deel van die teks ons oor God se tydsberekening en hoe ons op sy plan moet vertrou, selfs al sien ons nie dadelik resultate nie?

1. Haman se trots en obsessie met sy eie eer lei tot sy ondergang (Ester 6:6-10). Wat sê dit oor hoe trots en selfsug ons verhouding met ander – en met God – kan beïnvloed? Hoe sien ons dit vandag in ons eie lewens?
2. Die teks wys hoe God op verrassende maniere werk, soos deur die koning se slapeloosheid (Ester 6:1-3). Wat sê dit oor God se soewereiniteit en hoe Hy selfs klein of alledaagse situasies gebruik om sy plan uit te voer?
3. Mordegai bly lojaal aan sy geloof en identiteit. Hoe kan ons vandag vetrou bly aan ons geloof en identiteit in uitdagende situasies? Wat maak dit soms moeilik?
4. Hoe help die groter storie van Mordegai en Haman ons om te verstaan dat God se plan altyd volmaak is, selfs wanneer ons onsself in die middel van chaos of onreg bevind? Hoe kan ons hierdie waarheid toepas op ons eie mislukkings of moeilike tye?

Uitdaging vir die week
Neem hierdie week een situasie in jou lewe waar dinge verkeerd of chaoties voel en gee dit bewustelik aan God oor in gebed. Skryf drie dinge neer wat jy glo Hy dalk in hierdie situasie wil doen, al verstaan jy nie nou die volle prentjie nie. Hou dit by jou as ’n herinnering dat God selfs chaos kan gebruik om iets mooi te skep.

Afsluiting
Ons sien dat God selfs in die chaos agter die skerms werk. Hy gebruik selfs klein oomblikke om sy groot planne uit te voer.
Wanneer ons mislukkings en suksesse beleef, kan ons daarop vertrou dat God altyd in beheer is en alles ten goede kan gebruik. Kom ons onthou hierdie week dat ons deur geloof en gehoorsaamheid deel kan wees van sy meesterplan.