Somerstrand Gemeente
Vreesloos 02: Hoekom is ek bang?
Oorsig:
Donderdagaand het ons gesels oor die een vrees wat sin maak: vrees vir God. Ons probeer God in boksies sit, maar hoe groter God is, hoe kleiner ons vrese.
MATTEUS 8:23-27 AFR83
Ons almal beleef vrees. Wat saak maak, is hoe ons reageer op ons vrese - en by wie ons uitkoms soek. Gaan jou vrees jou verbitterd of in verwondering laat?
Vir verdere nadenke:
Kan jy aan maniere dink waarop vrees en geluk (nie) kan saamwoon (nie)?
Matteus gebruik die woord "seismos" net van die storm wat Jesus stilmaak, wanneer Jesus sterf aan die kruis en by die opstanding. Wat sê dit vir jou? Wat leef jy van God hieruit?
Kan jy dink aan 'n tyd wat jou lewe deur storms rondgegooi is, maar jy duidelik kon sien dat die storms nie vir Jesus bekommer nie?
Het jy al ooit gevoel dat Jesus slaap deur die storms in jou lewe? Hoe laat dit jou voel?
Op watter maniere het jou ervarings van vrees al jou verwondering van God groter gemaak?
Dink aan 'n tyd wat Jesus 'n storm in jou lewe stilgemaak het.